МІНСК, 6 сне – Sputnik. Міністр замежных спраў Максім Рыжанкоў заявіў, што беларускі прэзідэнт не жартаваў, калі казаў, што ў Беларусі ёсць пляцоўкі для "Орешника", перадае карэспандэнт Sputnik.
"Я не думаю, што гэта жарт. Наогул усе словы прэзідэнта (Беларусі Аляксандра Лукашэнкі - Sputnik) трэба ўспрымаць вельмі сур’ёзна, нават калі яны ў такой манеры гаворацца", - заявіў кіраўнік МЗС Беларусі Максім Рыжанкоў, адказваючы на адпаведнае пытанне СМІ.
Гаворачы пра саюзны дагавор аб бяспецы, які сёння вынесены на разгляд ВДС, Рыжанкоў падкрэсліў, што дакумент "задавальняе абодва бакі, і наш, і расійскі".
"Адбылося некалькі раундаў кансультацый на ўзроўні намеснікаў міністраў замежных спраў, фактычна міністэрствы замежных спраў гэтым займаліся", - сказаў ён.
Падтрымка ўсім арсеналам
Адказваючы на пытанне аб тым, калі пачалася праца над дадзеным дакументам, Рыжанкоў сказаў: "У маня такое адчуванне, што ўжо даўно над ім працавалі. Бо гарантыі бяспекі самых блізкіх партнёраў – гэта нешта пастаяннае. (...) Так, тут ёсць элементы ядзернай падтрымкі, але я ўпэўнен, што і без гэтага дакумента мы маглі і раней заўсёды разлічваць на падтрымку нашых расійскіх сяброў, на падтрымку нашай бяспекі, захавання суверэнітэту, незалежнасці".
Рыжанкоў растлумачыў СМІ, што "ядзерныя" дапаўненні ў дагавор аб бяспецы не з’яўляюцца нечым прынцыпова новым.
"Дакумент фарміраваўся менавіта з улікам такіх падыходаў. Гэта не нешта новае ў сувязі з тым, што "Орешник" кудысьці паляцеў, ці нейкія іншыя рэчы адбыліся. Не. Першапачаткова мы зыходзілі з таго, калі мы (Мінск і Масква - Sputnik) адзін аднаго падтрымліваем, то падтрымліваем усім арсеналам, які ёсць", - сказаў Рыжанкоў.
Адказваючы на ўдакладняючае пытанне СМІ: "І "Орешником" у тым ліку?", Рыжанкоў сказаў: "Атрымліваецца, што так".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"