Армія РФ вызваліла Новаіванаўку ў Курскай вобласці

МІНСК, 12 сне – Sputnik. Узброеныя сілы Расіі вызвалілі населены пункт Новаіванаўка ў Курскай вобласці, паведамілі ў Мінабароны РФ.

Над сялом, якое знаходзіцца ў Суджанскім раёне за некалькі кіламетраў ад мяжы з Украінай, кантроль устанавіла расійская групоўка войск "Поўнач". Вайскоўцы правялі наступальную аперацыю і знішчылі фарміраванні трох механізаваных, двух танкавых, двух дэсантна-штурмавых брыгад, двух брыгад тэрытарыяльнай абароны, а таксама адной цяжкай механізаванай брыгады і брыгады марпехаў УСУ.

Авіяцыя і артылерыя ў сваю чаргу паразіліл жывую сілу і тэхніку праціўніка ў раёнах Сумскай вобласці, якія мяжуюць з Курскім рэгіёнам. За мінулыя суткі страты УСУ склалі больш за 200 вайскоўцаў, танк, БМП, дзве бронемашыны, чатыры аўтамабілі і тры мінамёты.

У Мінабароны РФ праінфармавалі: усяго за час баявых дзеянняў на курскам напрамку УСУ страцілі больш за 40 тыс ваенных, 236 танкаў, 175 баявых машын пяхоты, 123 БТР і іншай тэхнікі. Аперацыя па знішчэнні ўкраінскіх сіл у рэгіёне працягваецца.

Уварванне УСУ ў Курскую вобласць пачалося 6 жніўня 2024 года, для гэтых мэт ўкраінская армія ў тым ліку задзейнічала замежных наёмнікаў.

Намеснік начальніка галоўнага ваенна-палітычнага ўпраўлення Мінабароны РФ генерал-маёр Апці Алаўдзінаў раней паведамляў, што сярод наёмнікаў былі амерыканцы, немцы, палякі, французы, грузіны і іншыя. Па словах генерала, большая частка наёмнікаў панесла сур’ёзныя страты. У выніку замежнікі збеглі з Курскай вобласці.

Прэс-сакратар прэзідэнта Расіі Дзмітрый Пяскоў раней паведаміў, што сітуацыя ў Курскай вобласці блізкая да развязкі, яна будзе абавязкова нармалізавана.