МІНСК, 16 сне – Sputnik. Улады прапануюць пабудаваць на месцы віцебскага гандлёвага цэнтра іншы аб’ект, паведаміў журналістам кіраўнік Адміністрацыі прэзідэнта Беларусі Дзмітрый Крутой.
"Улічваючы тэхнічны стан будынка, ён будзе хутчэй за ўсё падлягаць зносу. На гэтым месцы і ўладамі Віцебска і ўладамі вобласці будзе прапанавана зрабіць іншы аб’ект – больш адпаведны цэнтральнай частцы горада", - цытуе Крутога афіцыйны Telegram-канал Віцебскага аблвыканкама.
Крутой таксама паабяцаў, што іншыя аб’екты ўласніка ГЦ, якія ёсць у Віцебску, будуць "падвергнуты праверцы і стараннай рэвізіі".
Паводле слоў кіраўніка адміністрацыі, у ГЦ "Беларусь" у 2020 годзе ўжо быў "падобны інцыдэнт з пажарам", але не з такімі сур’ёзнымі наступствамі, як зараз. Аднак не былі ліквідаваны парушэнні, звязаныя з сістэмай пажаратушэння.
Кіраўнік адміністрацыі нагадаў, што раней у гэтым будынку быў кінатэатр, а ў 2006 годзе яго пачалі перабудоўваць пад ГЦ. Пасля сёлетняга пажару сур’ёзна пацярпелі перакрыцці. Цяпер вывучаюцца дакументы па перабудове.
"…Вывучаецца, хто прымаў гэтыя рашэнні, хто даваў гэтыя дазволы, а потым іх праглядваў і ўзаконьваў", - дадаў Крутой.
У панядзелак 16 снежня ў Віцебску адбылося пасяджэнне штаба па факце пажару ў ГЦ, які здарыўся 13 снежня. Агонь ахапіў прыкладна 2 000 кв м будынка.
Узгаранне пачалося прыкладна ў 16:00, а бліжэй да ночы ратавальнікам удалося поўнасцю патушыць пажар. У выніку надзвычайнага здарэння былі шпіталізаваны два дзесяткі чалавек, сярод якіх двое дзяцей.
Следчы камітэт узбудзіў па факце пажару крымінальную справу па ч. 2 арт. 304 КК (парушэнне патрабаванняў пажарнай бяспекі). Па справе ўжо ёсць затрыманыя.
Да сур’ёзнай перабудовы будынка ў ім быў шырокафарматны кінатэатр "Беларусь", які адкрыўся ў 1972 годзе.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"