У панядзелак 30 снежня прэзідэнт Аляксандр Лукашэнка адкрывае ў Мінску тры новыя станцыі на "зялёнай" лініі метро – "Аэрадромную", "Немаршанскі сад" і "Слуцкі Гасцінец", іх пачалі будаваць у 2018-м.
Трэцяя лінія мінскага метро была адкрыта ў лістападзе 2020 года. Цяпер да чатырох дзеючых станцый – "Кавальская Слабада", "Вакзальная", "Плошча Францішка Багушэвіча" і "Юбілейная плошча" – дададуцца яшчэ тры.
З адкрыццём новых станцый спросцяцца паездкі ў цэнтр для жыхароў Лошыцы, раёна "Мінск-Мір" і Сеніцы. Адпаведна зменіцца і шэраг маршрутаў наземнага транспарту, некаторыя з іх будуць адменены або перанесены.
Таксама раней паведамлялася, што для трэцяй веткі закупляюцца новыя цягнікі расійскай вытворчасці.
Новыя станцыі метро ў Мінску адкрываюць да Новага года ўжо не ўпершыню. Так, у 1986 годзе 31 снежня была адкрыта для пасажыраў станцыя метро "Усход", у 1990 годзе таксама 31 снежня былі адкрыты "Фрунзенская", "Няміга", "Купалаўская", "Пралетарская" і "Трактарны завод".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"