МІНСК, 26 сту – Sputnik. Кандыдат у прэзідэнты, лідар ЛДПБ Алег Гайдукевіч прагаласаваў на выбарах прэзідэнта Беларусі ў гімназіі №42 імя Жарэса Алфёрава, перадае Sрutnik.
Палітык прыйшоў на выбарчы ўчастак з камандай, падтрымлівалі кандыдата таксама дочкі Лізавета і Ганна.
Ён зазначыў, што прагаласаваў за сімвал Беларусі і заявіў, што лёс краіны павінен вырашацца толькі на выбарчых участках.
"Я памятаю, у 20 годзе (2020 - Sputnik) я ішоў галасаваць і яшчэ да заканчэння выбараў на вуліцах спрабавалі нешта вырашаць. Толькі тут, на выбарчых участках павінен вырашацца лёс краіны. І гэта воля народа, яна павінна выконвацца ўсімі", - падкрэсліў кандыдат.
Паводле яго слоў, усё павінна быць па законе і як вырашыў народ: прайграў – прызнай, выйграў – малайчына.
Гайдукевіч выказаў упэўненасць, што заўтра раніцай краіна прачнецца мацнейшай, згуртаванай і будзе развівацца далей.
"Прэзідэнцкія выбары, парламенцкія выбары павінны рабіць краіну мацнейшай. І воля народа – закон для ўсіх. Не толькі ўнутры краіны: і там, за "стужачкай" тыя, хто спрабуе перашкодзіць нам жыць, павінны разумець: ніхто ніколі волю народа не зламае", - заключыў ён.
Галасаванне ў Беларусі
Датэрміновае галасаванне ў Беларусі завяршылася 25 студзеня. Як раней паведамлялі ў ЦВК, доля выбаршчыкаў, якія прыйшлі на датэрміновае галасаванне, склала 41,81%.
Асноўны дзень галасавання на выбарах прэзідэнта – 26 студзеня. Участкі ў гэты дзень будуць адчынены з 8:00 да 20:00.
Каб атрымаць бюлетэнь, неабходна прад’явіць пашпарт ці ідэнтыфікацыйную карту грамадзяніна Беларусі. У шэрагу выпадкаў можна выкарыстоўваць і іншыя дакументы.
На выбарах у выбарчым бюлетэні знаходзіцца пяць прозвішчаў кандыдатаў і радок "супраць усіх". Па законе, фатаграфаваць ці здымаць на відэа запоўненыя бюлетэні нельга, за гэта можна атрымаць штраф.
Выбаршчыкі, якія прагаласуюць упершыню, атрымаюць у падарунак кнігу "Сімвалы суверэннай Беларусі".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"