МІНСК, 12 сак – Sputnik. Канстытуцыйны суд Беларусі рэкамендаваў парламенту прыняць закон аб штучным інтэлекце, гаворыцца ў Канстытуцыйным пасланні.
"Парламентам у мінулым годзе прынята 35 законаў, якія рэгулююць найбольш важныя грамадскія адносіны, у пасланні звернута ўвага заканадаўца на неабходнасць рэалізоўваць канкрэтныя прынцыпы і нормы ў заканатворчым працэсе", - заявіў журналістам старшыня Канстытуцыйнага суда Пётр Міклашэвіч.
Паводле яго слоў, пры гэтым Канстытуцыйны суд падкрэслівае актыўнае ўкараненне лічбавых тэхналогій.
"Канстытуцыйны суд мяркуе, што з улікам уплыву тэхналогій штучнага інтэлекту на працэсы сацыяльна-эканамічнага развіцця, неабходна прыняць Закон "Аб тэхналогіях штучнага інтэлекту", - сказаў Міклашэвіч.
Паводле слоў Міклашэвіча, лічбавая трансфармацыя грамадскіх адносін фарміруе новую эканамічную, сацыяльную і прававую рэальнасць, аказвае сур’ёзны ўплыў на рэалізацыю гарантаваных Канстытуцыяй праў і свабод чалавека і грамадзяніна.
Канстытуцыйны суд Беларусі прыняў пасланне да прэзідэнта і парламента
© Sputnik / Тамара Беляева
Таму, як адзначыў старшыня Канстытуцыйнага суда, законам аб штучным інтэлекце трэба ўстанавіць меры "бяспекі і адказнасці ўсіх удзельнікаў гэтых адносін".
У пасланні КС, якое было прынята ў сераду, лічбавае развіццё Беларусі вызначана як найважнейшая мэта стратэгічнага характару.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"