МІНСК, 14 сак – Sputnik. Прэзідэнт Беларусі Аляксандр Лукашэнка прапанаваў суправаджаць грузы, якія ідуць па Балтыйскім моры, ваеннымі караблямі.
Сёння Беларускі лідар выступіў у Савеце Федэрацыі РФ. У ходзе свайго выступлення ён пракаменціраваў пагрозы краін Балтыі і Захаду арыштоўваць грузы ў Балтыйскім моры. Прэзідэнт адзначыў, што ў ходзе ўчарашніх перагавораў з расійскім лідарам Уладзімірам Пуціным абмяркоўвалася гэта пытанне.
"Я кажу, ну што, Уладзімір Уладзіміравіч, застаецца адно – будзем суправаджаць ваеннымі караблямі. А як інакш?" - падкрэсліў Лукашэнка.
Раней заходнія СМІ са спасылкай на неназваныя крыніцы ў дыпламатычных колах паведамлялі, што краіны Еўрасаюза, якія маюць выхад да Балтыйскага мора, распрацоўваюць прававыя меры, якія даюць магчымасць затрымліваць танкеры, нібыта звязаныя з Расіяй.
Вядома таксама, што захоп суднаў прапануецца абгрунтоўваць экалагічнымі прычынамі ці падазрэннямі ў пірацтве. Абмяркоўваўся і спісак страхавых кампаній, полісы якіх можна выкарыстоўваць пры праходзе праз Балтыйскае мора.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"