МІНСК, 1 кра – Sputnik. Экспазіцыя "Тэрыторыя адзінства" адкрылася ў мінскім Доме Масквы, перадае карэспандэнт Sputnik.
Яна прымеркавана да Дня яднання народаў Беларусі і Расіі.
На выставе можна ўбачыць жывапіс – карціны члена Саюза мастакоў Расіі Уладзіміра Гладкова. На іх намаляваны беларускія пейзажы, а таксама храмы і прырода розных куткоў Расіі: ад Сібіры да Паўночна-Захаду.
Уладзімір Гладкоў – грамадзянін Расіі, які ўжо больш за два дзясяткі гадоў пражывае ў Беларусі. Ён не толькі займаецца жывапісам, але і праектаваў разнастайныя музейныя экспазіцыі, у тым ліку ў новым будынку Беларускага дзяржаўнага музея гісторыі Вялікай Айчыннай вайны.
На экспазіцыі ёсць і работы ўнікальнага беларускага разьбяра па дрэве Андрэя Сагалава, які пайшоў з жыцця ў 2020 годзе. Сагалаў першапачаткова быў інжынерам-будаўніком, але захапіўся разьбой па дрэве. З часам гэта стала яго асноўнай працай.
Ён выразаў як скульптуры, так і аб’ёмныя карціны. Яго героямі былі гістарычныя персанажы, героі міфаў, Хрыстос і апосталы. Сагалаў таксама выразаў унікальныя работы з косці.
Адкрыццё выставы суправаджалася выступленнем мужчынскага хору "Усіхсвяцкі".
Арганізатары мерапрыемства – Урад Масквы і Маскоўскі Дом суайчынніка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"