https://bel.sputnik.by/20250328/mastatstva-na-mln-vystava-art-mnsk-adkryvaetstsa--palatsy-mastatstva-1094911296.html
Мастацтва на мільён: выстава "Арт-Мінск" адкрылася ў Палацы мастацтваў – фота
Мастацтва на мільён: выстава "Арт-Мінск" адкрылася ў Палацы мастацтваў – фота
Sputnik Беларусь
Сёння ў беларускай сталіцы адбудзецца галоўная мастацкая падзея – адкрыццё выставы ў Палацы мастацтваў. Карэспандэнт Sputnik ацаніў маштабы культурнай падзеі... 28.03.2025, Sputnik Беларусь
2025-03-28T17:57+0300
2025-03-28T17:57+0300
2025-03-31T09:58+0300
выстава
эксклюзіў
палац мастацтваў
у беларусі
беларусь
карціны
выстава карцін
мастацтва
культура
спадчына
https://cdnn11.img.sputnik.by/img/07e9/03/1c/1094907710_0:161:3071:1888_1920x0_80_0_0_eb1c4296a545a30de8450f92870e3ff1.jpg
Самая маштабная выстава беларускага мастацтва "Арт-Мінск" традыцыйна праходзіць вясной у сценах Палаца мастацтваў на вуліцы Казлова. У гэтым годзе на ўдзел у ёй было пададзена звыш 1 300 заявак.Аўтарытэтнае журы адабрала на выставу 220 заявак, таму няцяжка палічыць, што конкурс быў як у прэстыжным універсітэце – 6 чалавек на месца.Цяпер жывапісныя карціны, графічныя работы, фатаграфіі, скульптуры і інсталяцыі занялі ўвесь Палац мастацтваў, а гэта 2 200 квадратных метраў.У Палацы мастацтваў наведвальнікі могуць убачыць шыкоўную серыю работ Аляксандра Некрашэвіча, які фактычна адправіў у неба самалёцікі з габеленаў. А каб даведацца, колькі каштуе гэтая раскоша, можна прасканіраваць QR-код, размешчаны непасрэдна каля работы.Аляксандр Зінкевіч загадзя папярэджвае, што прадавацца сёлета будуць не ўсе работы.Далей па зале спыняемся каля палатна Эльміры Мухтаравай. Работа напісана маслам на палатне і дзіўным чынам спалучае ў сабе тонкую рэалістычную дэталізацыю і фэнтэзійны сюжэт.Аляксандр Зінкевіч запэўніў, што журы не прыдумвала ніякага канцэпту для "Арт-Мінск", таму што галоўныя крытэрыі для адбору на выставу і так усім вядомы – майстэрства і мастацкая каштоўнасць.Мастакі, работы якіх прадстаўлены на выставе, працуюць у розных тэхніках. Так, напрыклад, работа Аляксандра Барташэвіча выканана ў стылі тэкстурнага жывапісу. Пры дэталёвым разглядзе можна меркаваць, што аб’ём аўтар надаў пры дапамозе губкі.Увагу да сябе прыкоўваюць таксама работы скульптара Андрэя Асташова, які на гэты раз вырашыў выставіць у тым ліку і гіпсавыя скульптуры, але няпростыя.Мастацтвазнавец растлумачыў, што такія гіпсавыя формы з’яўляюцца апошняй стадыяй перад тым, як работа адправіцца на адліўку. Галоўная адметнасць у тым, што на іх можна ўбачыць, як майстар працаваў з формай і нюансамі.Немагчыма прайсці міма вельмі рэалістычнага палатна Віктара Варанкевіча. Работа, дарэчы, так і называецца – "Практыкаванне ў гіперрэалізме".Па сакрэце скажам вам, што мастак натхняўся вядомай бронзавай скульптурай кулачнага байца I стагоддзя да нашай эры, якую знайшлі ў Рыме. Ва ўсім свеце яна шануецца менавіта за сваю рэалістычнасць.Аляксандр Зінкевіч звярнуў нашу ўвагу, што сёлета на “Арт-Мінск” нават зрабілі невялікі куток з фолькавым падтэкстам з работ Анастасіі Чадзій і Сяргея Ашухі.Нельга прапусціць пранізлівую па сваёй эмацыянальнасці і мастацкім ўвасабленні карціну Усевалада Швайбы – "Ікона Хатыні", якая нічым не саступае яго знакамітай "Піеце"."Вы бачыце, які доўгі шлях трэба прайсці, каб прыйсці на спатканне да каханай", - апісвае работу Алеся Багданава мастацтвазнавец.Дзіўна цікавай аказалася інсталяцыя Уладзіслава Хацкевіча, які здолеў у мініяцюры перадаць жыццё дзевяціпавярховай панэлькі. Дарэчы, любы жадаючы наведвальнік зможа выклікаць мініяцюрны ліфт і прачытаць, што ўсярэдзіне напісалі "мясцовыя".Сапраўды манументальнымі можна смела назваць карціны Мішы Дайліда, якія аб’яднаны адной канцэпцыяй і назвай – "Модныя жывёлы".P.S. Раскрыем невялікі сакрэт – частку работ маладых аўтараў, чые заяўкі не прайшлі журы "Арт-Мінск", мы ўбачым на "Восеньскім салоне".Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20250315/adchuytse-syabe-mastatstvaznatsam--arkheolagam-na-nezvychaynay-vystave--nmm-1094454599.html
беларусь
мінск
Sputnik Беларусь
media@sputniknews.com
+74956456601
MIA „Rossiya Segodnya“
2025
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
выстава, эксклюзіў, палац мастацтваў, у беларусі, беларусь, карціны, выстава карцін, мастацтва, культура, спадчына, рэпартаж, мінск, грамадства
выстава, эксклюзіў, палац мастацтваў, у беларусі, беларусь, карціны, выстава карцін, мастацтва, культура, спадчына, рэпартаж, мінск, грамадства
Мастацтва на мільён: выстава "Арт-Мінск" адкрылася ў Палацы мастацтваў – фота
17:57 28.03.2025 (абноўлена: 09:58 31.03.2025) Эксклюзіў
Сёння ў беларускай сталіцы адбудзецца галоўная мастацкая падзея – адкрыццё выставы ў Палацы мастацтваў. Карэспандэнт Sputnik ацаніў маштабы культурнай падзеі за некалькі гадзін да яго старту.
Самая маштабная выстава беларускага мастацтва "Арт-Мінск" традыцыйна праходзіць вясной у сценах Палаца мастацтваў на вуліцы Казлова. У гэтым годзе на ўдзел у ёй было пададзена звыш 1 300 заявак.
Аўтарытэтнае журы адабрала на выставу 220 заявак, таму няцяжка палічыць, што конкурс быў як у прэстыжным універсітэце – 6 чалавек на месца.
Цяпер жывапісныя карціны, графічныя работы, фатаграфіі, скульптуры і інсталяцыі занялі ўвесь Палац мастацтваў, а гэта 2 200 квадратных метраў.
"Агульны кошт усіх работ на выставе выйшаў далёка за 1 мільён беларускіх рублёў", - сказаў куратар карпаратыўнай калекцыі "Белгазпрамбанка" мастацтвазнавец Аляксандр Зінкевіч, які пагадзіўся правесці нас па кулуарах выставы.
У Палацы мастацтваў наведвальнікі могуць убачыць шыкоўную серыю работ Аляксандра Некрашэвіча, які фактычна адправіў у неба самалёцікі з габеленаў. А каб даведацца, колькі каштуе гэтая раскоша, можна прасканіраваць QR-код, размешчаны непасрэдна каля работы.
Аляксандр Зінкевіч загадзя папярэджвае, што прадавацца сёлета будуць не ўсе работы.
Далей па зале спыняемся каля палатна Эльміры Мухтаравай. Работа напісана маслам на палатне і дзіўным чынам спалучае ў сабе тонкую рэалістычную дэталізацыю і фэнтэзійны сюжэт.
Аляксандр Зінкевіч запэўніў, што журы не прыдумвала ніякага канцэпту для "Арт-Мінск", таму што галоўныя крытэрыі для адбору на выставу і так усім вядомы – майстэрства і мастацкая каштоўнасць.
Мастакі, работы якіх прадстаўлены на выставе, працуюць у розных тэхніках. Так, напрыклад, работа Аляксандра Барташэвіча выканана ў стылі тэкстурнага жывапісу. Пры дэталёвым разглядзе можна меркаваць, што аб’ём аўтар надаў пры дапамозе губкі.
Увагу да сябе прыкоўваюць таксама работы скульптара Андрэя Асташова, які на гэты раз вырашыў выставіць у тым ліку і гіпсавыя скульптуры, але няпростыя.
Мастацтвазнавец растлумачыў, што такія гіпсавыя формы з’яўляюцца апошняй стадыяй перад тым, як работа адправіцца на адліўку. Галоўная адметнасць у тым, што на іх можна ўбачыць, як майстар працаваў з формай і нюансамі.
Немагчыма прайсці міма вельмі рэалістычнага палатна Віктара Варанкевіча. Работа, дарэчы, так і называецца – "Практыкаванне ў гіперрэалізме".
Па сакрэце скажам вам, што мастак натхняўся вядомай бронзавай скульптурай кулачнага байца I стагоддзя да нашай эры, якую знайшлі ў Рыме. Ва ўсім свеце яна шануецца менавіта за сваю рэалістычнасць.
Аляксандр Зінкевіч звярнуў нашу ўвагу, што сёлета на “Арт-Мінск” нават зрабілі невялікі куток з фолькавым падтэкстам з работ Анастасіі Чадзій і Сяргея Ашухі.
Нельга прапусціць пранізлівую па сваёй эмацыянальнасці і мастацкім ўвасабленні карціну Усевалада Швайбы – "Ікона Хатыні", якая нічым не саступае яго знакамітай "Піеце".
"Вы бачыце, які доўгі шлях трэба прайсці, каб прыйсці на спатканне да каханай", - апісвае работу Алеся Багданава мастацтвазнавец.
Дзіўна цікавай аказалася інсталяцыя Уладзіслава Хацкевіча, які здолеў у мініяцюры перадаць жыццё дзевяціпавярховай панэлькі. Дарэчы, любы жадаючы наведвальнік зможа выклікаць мініяцюрны ліфт і прачытаць, што ўсярэдзіне напісалі "мясцовыя".
Сапраўды манументальнымі можна смела назваць карціны Мішы Дайліда, якія аб’яднаны адной канцэпцыяй і назвай – "Модныя жывёлы".
P.S. Раскрыем невялікі сакрэт – частку работ маладых аўтараў, чые заяўкі не прайшлі журы "Арт-Мінск", мы ўбачым на "Восеньскім салоне".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
