МІНСК, 8 кра – Sputnik. Прэзідэнт Расіі Уладзімір Пуцін і яго беларускі калега Аляксандр Лукашэнка правялі тэлефонную размову, паведаміў журналістам прэс-сакратар прэзідэнта РФ Дзмітрый Пяскоў.
Раней стала вядома, што прэзідэнты Расіі і Беларусі ўвечары ў панядзелак размаўляли па тэлефоне. Асобна закранаўся інцыдэнт з затрыманнем мікрааўтобуса, у якім была схавана ўзрыўчатка.
"Уладзімір Пуцін правёў тэлефонную размову з прэзідэнтам Беларусі Аляксандрам Лукашэнкам. Кіраўнікі дзяржаў абмеркавалі бягучыя пытанні ўзаемадзеяння дзвюх краін", - сказаў Дзмітрый Пяскоў.
Пры гэтым ён звярнуў увагу, што падчас размовы было закранута і такое пытанне, як супрацоўніцтва па лініі спецслужбаў дзвюх краін у барацьбе з тэрарызмам.
У паведамленні прэс-службы беларускага прэзідэнта гаварылася таксама аб тым, што Уладзімір Пуцін папрасіў узнагародзіць супрацоўнікаў брэсцкай мытні, якія напярэдадні затрымалі мікрааўтобус, які рухаўся ў Расію з грузам небяспечнага выбуховага рэчыва.
Таксама прэзідэнты дзвюх краін удзялілі ўвагу будучаму стратэгічнаму вучэнню "Захад - 2025" і актуальным пытанням ходу спецыяльнай ваеннай аперацыі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"