МІНСК, 29 кра – Sputnik. Неабходна зрабіць усё магчымае для таго, каб перашкодзіць адраджэнню нацызму, пра гэта заявіў прэзідэнт Расіі Уладзімір Пуцін на форуме "Вялікая спадчына – агульная будучыня" ў Валгаградзе.
"Трэба зрабіць усё, каб супрацьстаяць адраджэнню нацызму, распаўсюджванню разбуральных ідэалогій русафобіі, антысемітызму, любых форм расізму, нацыянальнай або рэлігійнай нецярпімасці, так званай выключнасці, за якімі хаваюцца прэтэнзіі на сусветнае панаванне, спробы націску або ўмяшання ва ўнутраныя справы суверэнных дзяржаў", - сказаў расійскі лідар.
Пуцін назваў ідэю аб недапушчальнасці адраджэння нацызму галоўным урокам Вялікай Айчыннай. Прэзідэнт Расіі адзначыў, што ў ваенныя гады савецкі народ прайшоў вельмі цяжкія выпрабаванні ў імя свабоды і незалежнасці.
"Разгром нацызму – гэта наш агульны здабытак", - сказаў Пуцін.
Ён дадаў, што Беларусь і Расія не маюць права дапускаць вяртання нацызму на еўрапейскім кантыненце. Пуцін падкрэсліў: у Сталінградзе (цяпер Валгаград - Sputnik) быў дадзены пачатак знішчэнню нацызму ў Еўропе.
"Гэтага (вяртання нацызму - Sputnik) мы не маем права дапусціць у будучым. Ніколі. Для гэтага мы тут", - падкрэсліў Пуцін.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"