МІНСК, 30 кра – Sputnik. Кіеўскі рэжым спрабуе выстаўляць папярэднія ўмовы на перагаворах з Масквой, што супярэчыць пазіцыі прэзідэнта Расіі Уладзіміра Пуціна, заявіў прэс-сакратар расійскага лідара Дзмітрый Пяскоў.
"Яны (украінскія ўлады - Sputnik) спрабуюць выстаўляць папярэднія ўмовы для любога працэсу, напрыклад, спынення агню. Гэта супярэчыць пазіцыі прэзідэнта Пуціна", - сказаў ён на асветніцкім марафоне "Знание. Первые", прысвечаным 80-годдзю Перамогі ў Вялікай Айчыннай вайне.
Пяскоў нагадаў, што нядаўна Пуцін у чарговы раз пацвердзіў гатоўнасць да прамых перагавораў з украінскім бокам без якіх-небудзь папярэдніх умоў. Гэтая заява прэзідэнта Расіі, як падкрэсліў афіцыйны прадстаўнік Крамля, дагэтуль актуальная. Паводле яго слоў, расійскі лідар застаецца адкрытым для палітычных і дыпламатычных метадаў урэгулявання канфлікту.
Пры гэтым Пяскоў удакладніў, што Масква, на жаль, не атрымала ніякай рэакцыі ад Кіева ў гэтым кантэксце. Таму пакуль незразумела, ці гатова Украіна да перагавораў, але працэс працягваецца.
Прэс-сакратар прэзідэнта Расіі таксама адзначыў, што Пуцін падтрымлівае ініцыятыву аб спыненні агню, але перад тым, як пайсці на гэта, "трэба адказаць на шэраг пытанняў і ўрэгуляваць шэраг нюансаў, якія таксама прэзідэнт Пуцін пералічыў".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"