МІНСК, 9 мая – Sputnik. Больш за 50 тысяч гледачоў сабралася каля стэлы "Мінск горад-герой" за гадзіну да парада Перамогі, паведаміў Sputnik намеснік кіраўніка Адміністрацыі прэзідэнта Уладзімір Пярцоў.
Ён зазначыў, што нягледзячы на тое, што з дня Вялікай Перамогі прайшло 80 гадоў, людзі не маюць права яе забываць, каб не было паўтарэння тых трагічных падзей.
"Планы ў тых, хто пра гэта думае, нікуды не падзеліся. Іх нашчадкі, прамыя наследнікі, усё-такі маюць намеры ў адносінах да нашай краіны, у дачыненні да Расійскай Федэрацыі. Нешта там востраць, пра штосьці думаюць, фарміруюць нейкія наступальныя кулакі. Але яны забываюць аб тым, што ў той вялікай вайне перамаглі мы, нашы продкі", - сказаў ён.
Па словах Пярцова, дзяржавы Захаду не маюць ніякага маральнага права асуджаць Беларусь і РФ за правядзенне парадаў, указваць разважным еўрапейскім лідарам на тое, што нельга ехаць на Красную плошчу ў Маскву або грамадзянам ЕС – на парад у Мінск.
Ён назваў вар’яцтвам і парадоксам, калі пераможаныя гавораць пераможцам аб тым, як сябе паводзіць.
"Гэта недапушчальна. Для гэтага мы павінны паказваць нашу згуртаванасць. Вы бачыце, што ўжо за гадзіну да парада (сабралася - Sputnik) больш за 50 тысяч чалавек. Мы чакаем каля 100 тысяч сёння гледачоў. І тых, хто назірае з сумежных вуліц. Гэта, напэўна, рэкорд за ўсю гісторыю правядзення парадаў", - дадаў Пярцоў.
Ён назваў гэта яшчэ адным фактам згуртаванасці беларускай нацыі і разумных людзей, якія прыехалі ў Мінск у тым ліку з дзяржаў Еўрасаюза.
"Мы пакажам сёння магчымасці нашых Узброеных Сіл, прадэманструем, што не трэба сюды совацца. Порах у нас заўсёды сухі. Мы гатовы ў любы момант са зброяй у руках абараняць нашу краіну, нашу Радзіму", - рэзюміраваў Пярцоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"