МІНСК, 14 мая – Sputnik. Беларусь гатова аказаць Зімбабвэ дапамогу ў пабудове сістэмы аховы здароўя, заявіў прэзідэнт Беларусі Аляксандр Лукашэнка па выніках перагавораў з зімбабвійскім калегам Эмерсанам Мнангагвой, перадае карэспандэнт Sputnik.
"Мы гатовы аказаць садзейнічанне Зімбабвэ ў стварэнні сістэмы аховы здароўя, пастаўляць з Беларусі медыцынскія прэпараты і спецыяльнае абсталяванне, каб вырашыць праблему аказання медыцынскай дапамогі дзеткам, жанчынам і ўсяму насельніцтву Зімбабвэ", - сказаў прэзідэнт Беларусі.
Лукашэнка таксама паведаміў, што збіраецца з візітам у адказ у Зімбабвэ.
Паводле яго слоў, Мінск і Харарэ створаць камісію на ўзроўні кіраўнікоў дзяржаў.
"Мы дамовіліся стварыць камісіі на ўзроўні кіраўнікоў дзяржаў. Яна стане стратэгічным механізмам высокага ўзроўню, які дасць магчымасць каардынаваць работу ўжо дзеючых сумесных камісій і камітэтаў. Адпаведны праект пагаднення будзе падрыхтаваны да майго візіту ў адказ у гэту цудоўную краіну", - заявіў беларускі лідар.
Акрамя гэтага, Лукашэнка прапанаваў развіваць узаемадзеянне ЕАЭС з Супольнасцю развіцця Поўдня Афрыкі.
"У гэтым годзе Беларусь старшынствуе ў Еўразійскім эканамічным саюзе, Зімбабвэ – у Супольніцтве развіцця поўдня Афрыкі. Мы гатовы выкарыстоўваць сваё асаблівае становішча для актывізацыі супрацоўніцтва паміж гэтымі інтэграцыйным і блокамі і спрашчэння ўмоў узаемнага гандлю", - заявіў прэзідэнт.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"