БРЭСТ, 22 чэр – Sputnik. У Брэсцкай крэпасці адбылася прэзентацыя новай кнігі з серыі "Библиотека Союзного государства" – "Защищая Отечество: дорога к маю 1945", перадае карэспандэнт Sputnik.
"Я вельмі рад магчымасці прадставіць новую кнігу Саюзнай дзяржавы - "Дорога к маю 1945", якая пачыналася менавіта тут, у Брэсцкай крэпасці, 84 гады таму. Павінен сказаць, што гэтая ініцыятыва звязана з дзейнасцю майго папярэдніка Дзмітрыя Фёдаравіча Мезенцава, які ўдзяляў вялікую ўвагу выданню кніг, звязаных менавіта з гераічнымі старонкамі нашай гісторыі", - сказаў дзяржсакратар Саюзнай дзяржавы Сяргей Глазьеў.
Дзяржсакратар Саюзнай дзяржавы Сяргей Глазьеў
© Sputnik / Виктор Толочко
Паводле яго слоў, агульная гісторыя аб’ядноўвае народы Расіі і Беларусі і сімвалізуе вечную дружбу абедзвюх краін, заснаваную на агульнай гістарычнай памяці і агульным разуменні сэнсаў.
"Гэта самая страшная вайна ў гісторыі чалавецтва, якая навалілася на наш народ. Пачалася тут, у Брэсцкай крэпасці. І, уласна кажучы, тут пачыналася тая самая дарога да Перамогі, дзякуючы якой мы сёння жывем, жывем і можам будаваць агульную будучыню", - адзначыў Глазьеў.
Ён зазначыў, што выданне кніг саюзнай серыі будзе працягвацца.
Намеснік дзяржсакратара Саюзнай дзяржавы Алена Богдан
© Sputnik / Виктор Толочко
Намеснік дзяржсакратара СД Алена Богдан у сваю чаргу нагадала, што "Дорога к маю 1945" – ужо чацвёртая кніга серыі. Першае выданне было прысвечана Айчыннай вайне 1812 года (2022 год), другое – генацыду савецкага народа (2023), трэцяе – партызанам Беларусі і аперацыі "Баграціён" (2024).
Новае выданне расказвае аб ключавых падзеях Вялікай Айчыннай – гераічнай абароне Брэсцкай крэпасці, бітве за Маскву, блакадзе Ленінграда, Ржэўскай, Сталінградскай і Курскай бітвах – і змяшчае больш за 340 старонак унікальнага матэрыялу.
Прэзентацыя новай кнігі з серыі "Библиотека Союзного государства" - "Защищая Отечество: дорога к маю 1945"
© Sputnik / Виктор Толочко
Адзін з аўтараў кнігі Ірына Барсэл удакладніла, што гэта толькі першы том выдання, які апісвае падзеі да заканчэння Курскай бітвы і выхаду на даваенныя межы Беларускай ССР. Другі том, які, як чакаецца, выйдзе ў жніўні 2025-га, раскажа аб вызваленні іншых дзяржаў, дзевяці маршалах Перамогі і шляху да Рэйхстага.
Ірына Барсэл
© Sputnik / Виктор Толочко
"Гэтая кніга не напісана ваеннымі і гісторыкамі і не прэтэндуе на шырокія гістарычныя ракурсы і новыя нейкія пляцоўкі. Гэтая кніга з эмоцыямі і развагамі на тэму Вялікай Айчыннай вайны", - падкрэсліла літаратар.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"