МІНСК, 1 ліп – Sputnik. Суд у Баку прысудзіў дырэктара Sputnik Азербайджан Ігара Картавых і шэф-рэдактара Яўгена Белавусава да чатырох месяцаў пазбаўлення волі, пра гэта паведамляе агенцтва APA.
Сёння ў Баку прайшоў судовы працэс у дачыненні да асоб, якія былі затрыманы ў выніку "аперацыі" МУС Азербайджана ў рэдакцыі Sputnik у Баку. Паводле інфармацыі агенцтва, хадайніцтвы аб выбранні ў дачыненні да затрыманых меры стрымання разгледзеў Хатаінскі раённы суд.
"Рашэннем суда выканаўчы дырэктар бакінскага філіяла Інфармацыйнага агенцтва "Россия сегодня" ("Sputnik Азербайджан") Ігар Картавых і галоўны рэдактар Яўген Белавусаў прыгавораны да чатырох месяцаў пазбаўлення волі", - гаворыцца ў паведамленні.
Улады Азербайджана беспадстаўна затрымалі 30 чэрвеня сем чалавек у агенцтве Sputnik Азербайджан, у іх ліку кіраўнік рэдакцыі Ігар Картавых і шэф-рэдактар Яўген Белавусаў.
Праца рэдакцыі блакіравана, да затрыманых не дапускаюць ні расійскіх дыпламатаў, ні сваякоў. Медыягрупа "Расія сёння" назвала дзеянні азербайджанскіх праваахоўнікаў неабгрунтаванымі, а абвінавачанні – надуманымі. Адзначаецца, што стан здароўя Картавых выклікае трывогу – яму неабходныя лекі, у тым ліку інсулін.
"Россия сегодня" запатрабавала неадкладнага вызвалення людзей, якія прафесійна выконвалі свой абавязак. Генеральны дырэктар агенцтва Дзмітрый Кісялёў заявіў, што сітуацыя выглядае наўмысным крокам з мэтай пагоршыць адносіны Азербайджана з Расіяй.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"