Шэсце пакаленняў і "Песняры": як Гродна святкуе Дзень Незалежнасці

ГРОДНА, 3 ліп – Sputnik, Іна Грышук. Самай яскравай часткай урачыстых мерапрыемстваў у Гродне стала вялікае шэсце з удзелам работнікаў усіх буйных прадпрыемстваў і арганізацый горада, якія маляўнічай калонай прайшлі па вуліцы Дзяржынскага і пасля прэзентацыі дасягненняў, за якія імі ганарыцца горад і краіна, зрабілі прыпынак на плошчы Леніна.

Кожнае прадпрыемства пастаралася зрабіць міні-інсталяцыю, каб прадставіць прафесію. Педагогі вялі за рукі рабят у школьнай форме, працаўнікі хлебакамбіната – вялікія караваі і багеты.

Самымі ганаровымі гасцямі ўрачыстага адкрыцця святочнага дня былі ветэраны Вялікай Айчыннай вайны. Іх асабліва цёпла прывіталі ўдзельнікі шэсця пакаленняў.

Старшыня Гродзенскага аблвыканкама Юрый Караеў павіншаваў гараджан з Днём Незалежнасці, адзначыўшы, што Беларусь – маладая дзяржава з багатай гісторыяй і моцнымі традыцыямі. Ён падкрэсліў, што шлях краіны – мірнае стварэнне, абарона свабоды і суверэнітэту, заснаваныя на памяці герояў Вялікай Перамогі. Ён выказаў упэўненасць у моладзі як залогу росквіту і пажадаў усім міру, стабільнасці і дабрабыту.

Затым адбылася цырымонія ўскладання кветак і вянкоў ля брацкай магілы савецкім воінам і партызанам, якія загінулі ў гады Вялікай Айчыннай вайны. У ёй удзельнічалі ветэраны, кіраўніцтва вобласці і горада, сілавых ведамстваў, духавенства, дыпламаты. На працягу дня тут працягнецца ўскладанне кветак ад усіх жадаючых гараджан і гасцей абласнога цэнтра.

Папаўдні ў розных лакацыях у цэнтры Гродна пачалі працаваць забаўляльныя пляцоўкі. На плошчы Тызенгаўза можна ўбачыць выставу службовай тэхнікі. І гэта не толькі пажарныя машыны ці машыны ДАІ, але і тэхніка такіх службаў, як Гроднаэнерга, Гаргаз.

Вуліцы Ажэшкі і Савецкая ператварыліся ў міні-прэзентацыю самых вядомых гарадскіх прадпрыемстваў. Хтосьці падрыхтаваў фотазоны ў стылі-рэтра, хтосьці – канцэртныя выступленні. Вытворцы харчовых прадуктаў – дэгустацыі. Напрыклад, можна пачаставацца хлебам, ёгуртам, вітаміннымі напоямі, убачыць, як у далёкім мінулым фармацэўты выраблялі лекі, або паўдзельнічаць у майстар-класах па аказанні першай дапамогі.

Самымі папулярнымі фотазонамі ў святочны дзень сталі арганізаваныя гродзенскай міліцыяй і Гродназелянбудам. Першая працавала ў парку Жылібера каля тэатра лялек і тут жа сабрала доўгую чаргу з кітайскіх турыстаў, кожны з якіх хацеў зрабіць фота з беларускім міліцыянерам на фоне жоўтых "Жыгулёў". Гэтую фотазону дапаўняла сэлфі-люстэрка, кожны ўдзельнік тут жа атрымліваў на рукі фотакартку.

Самай маляўнічай можна назваць інсталяцыю ад Гродназелянбуда, якая размясцілася каля гарадскога ўнівермага. Тут прапаноўвалі зрабіць сэлфі з дзяўчатамі ў сукенках з жывых кветак.

Адна дзяўчына была сапраўдная, а другая – у выглядзе новай скульптуры, якая неўзабаве будзе ўпрыгожваць адну з гарадскіх вуліц.

Святочныя мерапрыемствы і канцэрты будуць працягвацца да позняга вечара.

Адным з самых відовішчных абяцае стаць гістарычная рэканструкцыя вызвалення Гродна аб нямецкіх захопнікаў у ліпені 1944 года. Яна пройдзе ў даліне ракі Гараднічанка па вуліцы Ажэшкі ў 20:00.

На сцэне на плошчы Леніна выступяць беларускія-кавер-бэнды і эстрадныя калектывы. У 22:00 адбудзецца канцэрт беларускага ансамбля "Песняры", затым – рэспубліканская акцыя "Праспяваем гімн разам". Пасля гэтага ў неба запусцяць салют.