МІНСК, 4 жні – Sputnik. Грузінскі рэжысёр тэатра і кіно Эльдар Шэнгелая памёр на 93-м годзе жыцця, пра гэта паведаміў у панядзелак Фонд Нато Вачнадзэ.
"Са шкадаваннем паведамляем, што памёр Эльдар Шэнгелая", - гаворыцца ў паведамленні.
Эльдар Шэнгелая нарадзіўся ў Тбілісі ў 1933 годзе, пасля заканчэння "ВГИКа" працаваў на "Мосфильме", а затым на кінастудыі "Грузія-фільм". Яго фільмы "Необыкновенная выставка", "Чудаки", "Голубые горы, или Неправдоподобная история" адрозніваліся тонкім гумарам, сатырай і філасофскім кантэкстам.
У 1970-80-х вёў рэжысёрскую майстэрню ў Тэатральным інстытуце імя Ш. Руставелі ў Тбілісі.
Таксама Шэнгелая вёў актыўную палітычную дзейнасць – у 1990-2004 гадах быў дэпутатам грузінскага парламента і падпісаў Акт аб незалежнасці Грузіі. Кінарэжысёра называюць адным з сімвалаў грузінскай культуры, які спалучаў як мастацтва, так і грамадзянскую пазіцыю.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"