МІНСК, 30 жні – Sputnik. Журналісты Sputnik Азербайджан павінны быць як мага хутчэй вызвалены, а не выкарыстоўвацца для правакавання сур’ёзнага крызісу ў адносінах дзвюх саюзніцкіх краін і народаў, заявіў РІА Навіны гендырэктар медыягрупы "Россия сегодня" Дзмітрый Кісялёў.
Ён адзначыў, што журналісты Ігар Картавых і Яўген Белавусаў ужо два месяцы знаходзяцца за кратамі ў Азербайджане. Паводле яго слоў, на працягу ўсяго гэтага часу не было ніякай рэакцыі з боку тых, хто спецыяльна выкарыстоўваў журналістаў Sputnik Азербайджан для таго, каб справакаваць сур’ёзны крызіс у адносінах дзвюх саюзніцкіх краін і народаў.
"Пазбаўляць свабоды журналістаў, да якіх ніколі не было ніякіх пытанняў па іх рабоце, абвінавачваць іх спачатку ледзь не ў шпіянажы, а потым рэзка мяняць сутнасць беспадстаўных абвінавачанняў на махлярства, – дзеянні, якія ніяк не адпавядаюць цывілізаваным нормам", - падкрэсліў Кісялёў.
Паліцыя Азербайджана 30 чэрвеня без усялякіх падстаў затрымала ў офісе Sputnik у Баку семярых супрацоўнікаў, у тым ліку кіраўніка рэдакцыі Ігара Картавых і шэф-рэдактара Яўгена Белавусава. Па паведамленнях мясцовых СМІ, ім прад’яўлены абсурдныя абвінавачанні ў тым, што яны нібыта з’яўляюцца "агентамі ФСБ". Яны арыштаваны на чатыры месяцы.
Медыягрупа "Россия сегодня" назвала дзеянні паліцыі ў Баку неабгрунтаванымі, а абвінавачанні – надуманымі. У сувязі з гэтым медыягрупа заклікала ўрэгуляваць гэтую непрымальную сітуацыю і неадкладна вызваліць людзей.
Прэс-сакратар расійскага лідара Дзмітрый Пяскоў запэўніў, што ў Крамлі ўважліва паставіліся да інфармацыі аб затрыманні супрацоўнікаў Sputnik Азербайджан і Ruptly. Расійскі бок разлічвае дабіцца іх вызвалення ў ходзе прамых перагавораў з азербайджанскімі партнёрамі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"