МІНСК, 13 вер – Sputnik. Гендырэктар МІА "Россия сегодня" Дзмітрый Кісялёў павіншаваў з юбілеем вядомую журналістку Таццяну Міткову, ёй 13 верасня споўнілася 70 гадоў.
"Таня назаўжды застанецца прывабна прыгожай жанчынай, яе інтанацыя ў тэлевізійных навінах заклала залаты стандарт прафесіі", - адзначыў Дзмітрый Кісялёў.
Намеснік кіраўніка Sputnik Далёкае замежжа, экс-вядучая НТБ Ала Чарнышова таксама павіншавала калегу, адзначыўшы, што Міткова з’яўляецца для калег прыкладам прафесіяналізму, настаўнікам і эталонам культуры мовы.
"Яна сярод тых журналістаў, хто змяніў твар тэлевізійнай журналістыкі, журналістыкі навін у Расіі", - падкрэсліла Чарнышова.
Міткова нарадзілася ў Маскве, дзе скончыла вячэрняе аддзяленне факультэта журналістыкі МДУ і ў далейшым працавала ў некалькіх тэлевізійных кампаніях. Яна з’яўляецца лаўрэатам Прэміі Масквы ў галіне журналістыкі за 2001 год.
Удастоена ордэнаў Дружбы (2006) і "За заслуги перед Отечеством" IV ступені (2011). Сярод яе ўзнагарод і прэмія "ТЭФИ-97" у намінацыі "Лепшы вядучы інфармацыйнай праграмы", Нацыянальная прэмія грамадскага прызнання дасягненняў жанчын Расіі "Олимпия" за 2004 год.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"