МІНСК, 18 вер – Sputnik. Чарга легкавых аўто на беларуска-літоўскай мяжы за суткі павялічылася ў 10 разоў, паведамляе Дзяржаўны пагранічны камітэт Беларусі.
"За суткі чарга перад літоўскімі пунктамі пропуску "Мядзінінкай" ("Каменны Лог") і "Шальчынінкай" ("Беняконі") павялічылася з 30 да 300 легкавых аўто", - гаворыцца ў паведамленні ведамства.
Паводле звестак Дзяржпагранкамітэта, у Літву праз гэтыя пагранічныя пераходы праехалі 53% легкавых аўтамабіляў. Па стане на 12:00 чацвярга, 18 верасня, у "Каменным Логу" выезду на літоўскі бок чакалі 200 аўто, у ПП "Беняконі" – 100.
Вырасла і чарга грузавога транспарту на літоўскім напрамку – з 850 да 950 фур (440 стаяць у "Каменным Логу", 510 – у "Беняконях"). Як удакладнілі ў ведамстве, літоўскі бок за мінулыя суткі прапусціў усяго 15% грузавікоў ад нормы.
Што да Латвіі, то там выезду чакаюць 250 фур. У пункце пропуску "Патэрніекі" (з беларускага боку "Грыгароўшчына") за мінулыя суткі аформлена 50% вялікагрузаў. Чаргі легкавушак на гэтым напрамку няма.
Усе тры ПП для выезду ў ЕС
Пасля таго, як Польшча 12 верасня закрыла ўсе свае пункты пропуску на мяжы з Беларуссю, з Беларусі ў Еўрасаюз наземным шляхам можна трапіць толькі праз Літву ці Латвію.
З літоўскага боку дзейнічаюць два пункты пропуску: "Мядзінінкай" (з беларускага боку "Каменны Лог") і "Шальчынінкай" (з беларускага боку "Беняконі"). На беларуска-латвійскай мяжы працуе толькі адзін пункт пропуску – Патэрніекі" (з беларускага боку "Грыгароўшчына").
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"