МІНСК, 27 вер – Sputnik. На дадзены момант у Расіі ўзбуджана звыш 9 тысяч крымінальных спраў па ўкраінскіх злачынствах ваеннага характару, паведаміў журналістам пасол па асобых даручэннях МЗС РФ Радзівон Мірошнік у кулуарах міжнароднага фестывалю "RT.Док: Час нашых герояў" у Мінску, перадае карэспандэнт Sputnik.
"Больш за 600 чалавек, якія атрымалі тэрміны ад 8,5 гадоў да пажыццёвага. Усе астатнія стаяць у чарзе, таму што (неабходна - Sputnik) час на расследаванне, час на збор доказаў, час на правядзенне судовых працэсаў", - сказаў пасол.
Ён выказаў упэўненасць у тым, што гэтыя людзі атрымаюць пакаранне за свае дзеянні.
Ці будзе новы Нюрнберг
Што да магчымага вялікага міжнароднага суда над украінскімі ваеннымі злачынцамі, то Мірошнік нагадаў абставіны трыбунала ў Нюрнбергу.
"Нельга пачаць судзіць, пакуль не завершаны ваенныя працэсы", - растлумачыў дыпламат.
Пры гэтым ён звярнуў увагу на тое, што нормы міжнароднага гуманітарнага права адлюстраваны ў крымінальным заканадаўстве Расіі. Там прадугледжаны пакаранні і за наёмніцтва, і за забароненыя формы і метады вайны.
"Ці будзе тут нейкі міжнародны элемент? Ну, калі міжнародная супольнасць захоча, напэўна, будзе", - сказаў Мірошнік.
На гэты момант, адзначыў дыпламат, у Расіі ёсць разуменне, што органы РФ будуць самі расследаваць і самі вызначаць ступень віны злачынца з дапамогай справядлівага суда ў сваёй краіне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"