МІНСК, 27 вер – Sputnik. Беларускае бюро па транспартным страхаванні ўстанавіла новыя правілы вызначэння памеру шкоды ад ДТЗ, вынікае з афіцыйна апублікаванага дакумента.
"Гэты загад набывае моц з 15 кастрычніка 2025 года", - сказана ў дакуменце.
Размова ідзе аб ацэнцы ўрону па абавязковым страхаванні грамадзянскай адказнасці ўладальнікаў транспартных сродкаў. У прыватнасці, дакумент абвяшчае, што памер шкоды вызначае ацэншчык страхоўшчыка (Беларускага бюро) або выканаўцам ацэнкі.
Кошт транспартнага сродку, яго частак і матэрыялаў, якія патрэбныя для рамонту (а таксама саміх работ), вызначаецца ў беларускіх рублях.
"Дапускаецца ў разліках выкарыстанне замежных валют з наступным пераразлікам іх у нацыянальную валюту, зыходзячы з устаноўленага Нацыянальным банкам афіцыйнага курсу беларускага рубля адносна гэтых валют на дату ацэнкі", - адзначана ў новых правілах.
Калі няма дакладных звестак аб кошце базавага аналага транспартнага сродку ў айчынных інфармацыйных даведніках, няма дастатковай інфармацыі аб кошце аб’ектаў-аналагаў на рынку Беларусі, то па крыніцах інфармацыі павінен быць наступны прыярытэт:
спачатку правяраюцца даныя з Расіі;
затым з іншых краін ЕАЭС;
затым з краін, для рынку якіх выраблены транспартны сродак;
далей па прыярытэтнасці ідуць іншыя краіны СНД і ЕС, усе астатнія дзяржавы.
Выканаўца ацэнкі павінен даць пакет дакументаў па вызначэнні памеру шкоды не пазней за пяць працоўных дзён пасля агляду пашкоджанага транспарту.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"