МІНСК, 29 вер – Sputnik. Рост ВУП у краінах СНД у першым паўгоддзі 2025 года склаў 2,3%, заявіў журналістам дырэктар Дэпартамента эканамічнага супрацоўніцтва Выканаўчага камітэта СНД Міхаіл Мыскін, перадае Sputnik.
Ён адзначыў, што ВУП у дзяржавах СНД у 2024 годзе вырас на 4,5%.
"Гэты паказчык значна вышэй, чым сярэднесусветныя паказчыкі. У першым паўгоддзі 2025-га мы паказваем рост, на жаль, не такі высокі, афіцыйна ён складае 2,3%. Мы чакаем да канца года павелічэння (ВУП. - Sputnik)", - сказаў Мыскін.
Ён звярнуў увагу, што добрыя паказчыкі ў 2024-м дэманструе і ўзаемны гандаль унутры СНД. Паводле слоў дырэктара, ён вырас больш як на 7%, што з’яўляецца добрым паказчыкам. Знешні гандаль краін СНД вырас менш як на 2%.
Мыскін падкрэсліў, што ў краінах СНД у 2024-м узровень беспрацоўя склаў 3,1% – гэта таксама ніжэй за агульнасусветныя паказчыкі.
"За першае паўгоддзе 2025 года ён ужо складае 2,9%. У наяўнасці паляпшэнне менавіта такіх паказчыкаў, як эканамічнае супрацоўніцтва", - дадаў дырэктар.
Савет кіраўнікоў урадаў СНД
Савет кіраўнікоў урадаў СНД пройдзе ў панядзелак у беларускай сталіцы. Мерапрыемства адбудзецца ў двух фарматах – вузкім і шырокім, плануецца абмеркаванне 15 пытанняў.
У прыватнасці, удзельнікі пасяджэння разгледзяць тэмы, якія датычацца супрацоўніцтва ў навукова-тэхналагічнай сферы, у галіне лясной гаспадаркі і лясной прамысловасці, а таксама ў сферы лічбавых тэхналогій, сельскай гаспадарцы, будаўніцтве і выкарыстанні атамнай энергіі ў мірных мэтах.
Таксама ў планах зацвердзіць праекты плана мерапрыемстваў па рэалізацыі другога этапу Стратэгіі эканамічнага развіцця СНД да 2030 года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"