МІНСК, 30 вер – Sputnik. Галоўны трэнер мінскага хакейнага клуба "Дынама" Дзмітрый Квартальнаў лічыць вялікім плюсам перамогу над дзеючым уладальнікам Кубка Гагарына, паведаміла прэс-служба "зуброў".
Напярэдадні мінчане абгулялі на дамашняй арэне дзеючых чэмпіёнаў Кантынентальнай хакейнай лігі (КХЛ) з лікам 3:2. Аднак выявіць пераможцу ў гэтым паядынку сапернікі змаглі толькі ў серыі булітаў – пераможную шайбу ў вароты "Локомотива" забіў Віталій Пінчук.
"Гуляць з чэмпіёнам і перамагчы – гэта вялікі плюс для нас. Гулялі нядрэнна, але першыя дзесяць хвілін трэцяга перыяду… "Локомотив", вядома, дадаў, але і мы спыніліся, перасталі гуляць і рухацца", - пракаменціраваў трэнер ход гульні.
У выніку, паводле яго слоў, дынамаўцы сталі прайграваць барацьбу, але варатар Зак Фукале здолеў дапамагчы. Інакш маглі саступіць, лічыць трэнер.
"Але потым узялі сябе ў рукі і давялі матч спачатку да нічыёй у асноўны час. Хоць былі моманты ўчапіцца. Добрая гульня", - сказаў Квартальнаў.
Пасля гэтага паядынку дамашняя серыя "зуброў" працягнецца: 1 кастрычніка мінчане згуляюць супраць чарапавецкай "Северстали".
Зараз у "Дынама" пасля дзевяці гульняў у актыве 14 ачкоў і па-ранейшаму трэці радок у турнірнай табліцы заходняй канферэнцыі. У лідзіруючага "Локомотива" – 16 ачкоў, у "Торпедо" – 15 (другое месца).
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"