МІНСК, 15 кас – Sputnik. Штогод ва ўсім свеце дыягнастуюць некалькі мільёнаў выпадкаў раку малочнай залозы, за кожным з якіх – жаночыя лёсы, страх і боль, расказала ў мультымедыйным прэс-цэнтры Sputnik Беларусь супрацоўнік прадстаўніцтва Рассупрацоўніцтва ў Беларусі Віялета Бубуёк.
У Мінску ў кастрычніку стартаваў праект "Прыгажосць мацней за рак". Яго мэта – падтрымаць жанчын, якія сутыкнуліся з анкалагічнымі захворваннямі, дапамагчы ім зноў убачыць і адчуць сваю прыгажосць і сілу.
Ініцыятыва, аўтарамі якой выступілі валанцёры клуба "СЛОН" Анастасія Зірка і Юлія Ільічова, стала адным з пераможцаў конкурсу Рассупрацоўніцтва.
Паводле слоў Бубуёк, праект накіраваны на тое, каб дапамагчы ўдзельніцам аднавіць страчанае пачуццё ўпэўненасці ў сабе, з чым сутыкаюцца многія жанчыны ў перыяд хваробы. Дабіцца гэтай мэты жанчынам будуць дапамагаць у тым ліку прафесійныя візажысты, стылісты і фатографы.
"Галоўная задача праекта – не проста зрабіць прыгожы кадр, а каб кожная ўдзельніца паглядзела на сябе з боку. Убачыла не пацыентку, а моцную жанчыну, чыя прыгажосць крыецца ў стойкасці і жыццялюбстве", - падкрэсліла прадстаўнік Рассупрацоўніцтва.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"