МІНСК, 14 ліс – Sputnik. Прэзідэнт Беларусі Аляксандр Лукашэнка назваў прарывам магчымасць перавесці транспарт, які выкарыстоўваецца ў краіне, на электрычнасць, перадае прэс-служба прэзідэнта.
Кіраўнік беларускай дзяржавы праводзіць сёння нараду па пытаннях развіцця нацыянальнай атамнай энергетыкі. У ходзе сур’ёзнай размовы ён адзначыў, што выкарыстанне электраэнергіі – адзін з ключавых фактараў паспяховага развіцця нацыянальнай эканомікі.
Пры гэтым ён падкрэсліў, што Беларусь можа выкарыстоўваць электратранспарт практычна ў любых галінах.
"Электрамабілі. Ужо сёння ўсе рынуліся. Таксама кавалак вялікі. Ну і эканоміку трэба ж развіваць. А без электрычнай энергіі якая эканоміка? Мы ж машынабудаўнічая краіна. Ды і ў сельскай гаспадарцы. Мы практычна ўсюды можам перавесці наш транспарт у сельскай гаспадарцы, наогул па краіне, на электрычнасць", - сказаў прэзідэнт.
Пры гэтым Лукашэнка паабяцаў "неймаверныя грошы" вучоным за стварэнне эфектыўных батарэй айчыннай вытворчасці, якія будуць выкарыстаны для электратранспарту.
"Вось гэта будзе прарыў. Вось няхай нашы вучоныя пакажуць свой спрыт. Атрымайце неймаверныя грошы за гэта. Тым больш, гэта ж не навінка", - сказаў Лукашэнка.
Прэзідэнт нагадаў, што старшыня прэзідыума Нацыянальнай акадэміі навук Уладзімір Каранік заяўляў аб магчымасці распрацаваць у Беларусі айчынную электрабатарэю. У выпадку поспеху навуковых распрацовак, краіне не давядзецца закупляць адпаведныя камплектуючыя ў замежных фірм-вытворцаў.
У краіне эксплуатуецца больш за 44 тыс электрамабіляў і больш за 1 870 зарадных станцый. Рэалізаваны пілотныя праекты па пераводзе грамадскага транспарту на электрычны ў Шклове, Жодзіне і Наваполацку.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"