МІНСК, 18 ліс – Sputnik. Курыраваць работу па выкананні праграмы развіцця раёнаў Прыпяцкага Палесся будзе ўпаўнаважаны прадстаўнік прэзідэнта ў Брэсцкай вобласці, кіраўнік сенацкай камісіі, "праўдзівы палешук" Міхаіл Русы. Такое рашэнне прыняў прэзідэнт Беларусі Аляксандр Лукашэнка на нарадзе па пытаннях развіцця Палесся, паведаміла прэс-служба кіраўніка дзяржавы.
Праграма развіцця Палесся да 2030 года ахоплівае дзевяць раёнаў, на тэрыторыі якіх жыве 350 тыс чалавек.
"(...) мы павінны ведаць і разумець, якія трэба правесці мерапрыемствы ў рамках праграмы (развіцця Палесся - Sputnik) і па-за ёй, каб палешукі заўважылі, ды і ўся Беларусь, што мы сур’ёзна займаемся Палессем", - сказаў кіраўнік дзяржавы.
Паводле яго слоў, трэба памятаць, ці ёсць грошы для таго, каб ажыццявіць запланаваныя ў рамках праграмы развіцця Палесся.
Прэзідэнт папрасіў дакладчыкаў, якія будуць выступаць па пытанні развіцця Палесся, адысці ад "залішняй савецкасці", каб не атрымалася так, што фінансы выдзелены, а вынікаў ніхто не заўважыў.
"(…) патрэбны канкрэтныя мерапрыемствы, прадпрыемствы, якія будуць садзейнічаць з’яўленню новых працоўных месцаў і развіццю Палесся на стагоддзі, назаўжды", - падкрэсліў Лукашэнка.
Беларускі лідар звярнуў увагу, што ў праграме "ўсё павінна быць дакладна пралічана, выверана і галоўнае – у перспектыве прыносіць эканамічную аддачу". Гэты пасыл у першую чаргу датычыцца бюджэтнага фінансавання праграмы.
"Лішніх грошай у краіне няма. Мерапрыемствы праграмы павінны быць канкрэтнымі, укладвацца ў просты алгарытм – бачыць мэту, паставіць перад сабой пэўныя задачы і дзейнічаць на вынік", - адзначыў ён.
Прэзідэнт паведаміў, што не хапае каля 400 млн рублёў, ці 6% агульнага аб’ёму сродкаў, выдзеленых на праграму.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"