МІНСК, 2 сне – Sputnik. Ваенныя КНДР у складзе маштабнай групоўкі размініруюць курскае прыгранічча. Пра гэта губернатар Курскай вобласці Аляксандр Хінштэйн паведаміў на сустрэчы з прэзідэнтам РФ Уладзімірам Пуціным, якая адбылася позна ўвечары ў панядзелак, 1 снежня.
"Беспрэцэдэнтная па маштабе разгорнута групоўка. У яе склад уваходзяць інжынерныя войскі, Расгвардыя, МНС і інжынерныя фарміраванні ўзброеных сіл КНДР", - сказаў губернатар.
Таксама Хінштэйн паведаміў Уладзіміру Пуціну аб прамежных выніках размініравання тэрыторыі Курскай вобласці.
"На сённяшні дзень 92 населеныя пункты размініраваны, ачышчаны ад выбухованебяспечных прадметаў", - паведаміў Хінштэйн.
Кіраўнік Курскай вобласці падкрэсліў неабходнасць поўнага размініравання прыгранічных тэрыторый перад пачаткам маштабных аднаўленчых работ.
"Разумеем, што без завяршэння гэтай работы аб якім-небудзь сістэмным аднаўленні гаварыць не даводзіцца", - адзначыў ён.
У чэрвені сакратар Савета бяспекі РФ Сяргей Шайгу паведаміў, што кіраўніком КНДР Кім Чэн Ынам было прынята рашэнне накіраваць у Расію адну тысячу сапёраў для размініравання тэрыторыі. Акрамя гэтага, Пхеньян акажа садзейнічанне ў аднаўленні Курскай вобласці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"