МІНСК, 6 сту – Sputnik. Больш за 800 адзінак тэхнікі і амаль 3,7 тыс работнікаў ЖКГ задзейнічаны ў расчыстцы снегу ў Беларусі, паведамілі ў аўторак у Міністэрстве жыллёва-камунальнай гаспадаркі рэспублікі.
Адзначаецца, што для гарантавання бяспекі пешаходаў і транспарту камунальныя службы працуюць кругласутачна.
"Па стане на 8:00 (6 студзеня. - Sputnik), усяго па краіне працавала 851 адзінка спецыяльнай камунальнай тэхнікі", - гаворыцца ў паведамленні.
У ведамстве дапоўнілі, што ва ўборцы двароў і дарог задзейнічаны 239 раскідвальнікаў пяску і солі, 458 снегаўборачных машын, 154 машыны выкарыстоўваюцца для пагрузкі і вывазу снегу.
На вуліцах беларускіх гарадоў працуюць больш за 3 690 работнікаў жыллёва-камунальных гаспадарак.
У міністэрстве заклікалі ўладальнікаў аўтамабіляў не пакідаць свой транспарт на праходах і ўездах у двары, а таксама на праезнай частцы на працяглы час, каб не перашкаджаць перамяшчэнню ўборачнай тэхнікі. Там нагадалі, што аўтаўладальнікі абавязаны расчышчаць снег вакол свайго аўтамабіля на адлегласці не менш як адзін метр.
Паводле інфармацыі Белгідрамета, у аўторак у краіне аб'яўлены аранжавы ўзровень небяспекі надвор'я з-за чаканых снегападаў. Умовы надворъя ў рэспубліцы ў бліжэйшыя суткі будуць вызначаць атмасферныя франты.
У асобных раёнах сіноптыкі прагназируюць слабыя туман і галалёд, месцамі на дарогах – галалёдзіцу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"