МІНСК, 30 сту – Sputnik. Кіраўнік беларускай дзяржавы Аляксандр Лукашэнка ў пятніцу, наведваючы ААТ "Планар", заявіў, што Беларусь з’яўляецца адзінай з постсавецкіх рэспублік, якая захавала "гэтую вытворчасць" у такім аб’ёме, паведамляе прэзідэнцкая прэс-служба.
"Мы адзіная краіна, якая захавала гэтую вытворчасць у такім аб'ёме. Мы ўсё захавалі, што нам засталося ад савецкай спадчыны", - сказаў Лукашэнка.
Паводле слоў прэзідэнта, "спраўдзілася мара тых, хто закладваў гэтую вытворчасць".
"Мы аказаліся запатрабаваны", - падкрэсліў беларускі лідар.
Каб захаваць гэтыя пазіцыі, ён паставіў задачу перад айчыннай мікраэлектроннай прамысловасцю "бегчы на паўкроку наперадзе".
"Гэта будучыня", - адзначыў Лукашэнка.
Звяртаючыся да гендырэктара "Планара" Сяргея Авакава, кіраўнік дзяржавы запэўніў: "Калі ты не адстанеш, у цябе заўсёды будзе работа і вялікія грошы. Не толькі нашы".
"Ты апярэдзіў усё і ўся. І ў Беларусі, і ў Расіі. Ты ўсіх апярэдзіў", - дадаў прэзідэнт.
Як паведамляе прэзідэнцкая прэс-служба, кіраўнік дзяржавы даў старт рабоце цэнтра спецтэхналагічнага абсталявання для вытворчасці фоташаблонаў і мікраоптыкі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"