НАТА ў момант палёту не гарантавала бяспеку беларускага борта. Авіяаналеты НАТА на Бялград працягваліся і ў час перагавораў, і ў час паездак беларускага прэзідэнта па горадзе, Аляксандр Лукашэнка аглядаў пашкоджанні ў Бялградзе, размаўляў з пацярпелымі ў бальніцах. Архіўныя кадры гістарычнага візіту апублікавала прэс-служба беларускага прэзідэнта.
У размове з Мілошавічам ён разлічваў на добрыя адносіны, якія склаліся паміж імі, пра што гаварыў яшчэ ў момант вылету з Мінска. "Калі мы хоць на міліметр наблізімся да міру, то будзем вельмі задаволены", - падкрэсліваў Лукашэнка ў размове з журналістамі ля трапа самалёта.
На перагаворах у Бялградзе Лукашэнка выступаў не толькі як прэзідэнт незалежнай Беларусі. Яго візіт у Бялград – гэта "канцэптуальны працяг перагавораў, пачатых Яўгенам Прымаковым", пазіцыі ўдакладняліся і каардынаваліся штодня.
"Мы цэлы комплекс вязем праблем, узаемаўзгодненых у Беларусі і Расіі. Я тут хутчэй за ўсё выступаю як старшыня Вышэйшага дзяржсавета Саюза Беларусі і Расіі, не толькі як прэзідэнт Беларусі", - адзначыў Лукашэнка.
Па выніках перагавораў беларускі прэзідэнт адзначыў, што яго мэта садзейнічаць мірнаму вырашэнню канфлікту супала з мэтамі прэзідэнта Мілошавіча і спадзяваннямі югаслаўскага народа. "Я абсалютна пераканаўся ў тым, што прэзідэнт Мілошавіч хоча вырашэння гэтых праблем, ды і ўвогуле іншых праблем, якія сёння існуюць, толькі мірным шляхам", - сказаў Лукашэнка.
Усяго праз некалькі месяцаў Югаславія пала.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"