https://bel.sputnik.by/20150706/1016052153.html

Вілейка адзначыла 555-годдзе

Вілейка адзначыла 555-годдзе

Sputnik Беларусь

На беразе ракі ў “Ніжнім парку” змагаліся рыцары, інквізітары палілі вядзьмарку, увечары гучала рок-музыка з этнічным ухілам. 06.07.2015, Sputnik Беларусь

2015-07-06T12:52+0300

2015-07-06T12:52+0300

2023-02-23T14:03+0300

у беларусі

навіны

стыль жыцця

культура

увесь свет

еўропа

мінская вобласць

стыль жыцця

стыль жыцця і адпачынак

актыўны адпачынак

https://cdnn11.img.sputnik.by/img/101605/18/1016051826_0:0:0:0_1920x0_80_0_0_89d6cde4e4e763a901f6919856764769.jpg

МІНСК, 6 ліп — Sputnik. Два дні ў Вілейцы праходзіў фестываль "Гонару продкаў 2015", прымеркаваны да юбілея са дня заснавання горада. На мерапрыемства з'ехаліся байцы з 30 рыцарскіх клубаў Беларусі, шэраг музычных калектываў.Цягам дня пад спякотай у жалезнай амуніцыі змагаліся крыжаносцы, тампліеры, вікінгі, рыцары Вялікага княства Літоўскага. У перапынках паміж спаборніцтвамі наведвальнікі фестываля маглі пабачыць сапраўдны беларускі батлеечны тэатр, рытуал спалення вядзьмаркі, фаер-шоу і паслухаць лепшыя беларускія этна-калектывы."Мы вырашылі зрабіць гэты фэст і прымеркаваць яго да юбілея горада Вілейка і аддаць даніну павагі нашым продкам, якія змагаліся за свабоду і незалежнасць нашай Бацькаўшчыны, і таму фестываль атрымаў менавіта такую назву", — распавёў карэспандэнту Sputnik Андрэй Арлоўскі, кіраўнік вілейскага ваярскага гістарычнага клуба "Паходня", арганізатар і ідыёлаг мерапрыемства.Арлоўскі кіруе "Паходняй" амаль 10 гадоў, клуб уяўляе сабой ваярскую культуру XIV- пачатку XV стагоддзяў. Фестываль быў своеасаблівай справаздачай клуба за ўвесь час існавання. Да святкавання Дня горада Вілейкі арганізатары запрасілі ў госці рыцарскія клубы са ўсёй Беларусі і зрабілі сапраўды маштабнае свята для жыхароў горада. Фэст такога маштабу праходзіў у горадзе ўпершыню, вілейскім арганізатарам дапамагалі саюзнікі з Маладзечна — спецыяльна да святкавання агульнымі намаганнямі ў Ніжнім парку горада было пабудавана замчышча."Нашыя продкі для нас усё гэта здабылі, а мы проста павінны гэта зберагчы. Такім чынам, асноўная мэта мерапрыемства", — папулярызыцыя культуры Вялікага княства Літоўскага — дадаў арганізатар фестываля.Акрамя рэканструкцыі баёў "Паходня" займаецца паказальнымі выступленнямі, ездяць па вёсках, папулярызуюць у навучальных установах сярэднявечную ваярскую культуру.Самай відовішчнай часткай фестываля сталі бугурты — калі рыцары змагаюцца масава (5 на 5 ці нават болей). Складалася ўражанне, што ваякі насамрэч варожа ставяцца адзін да аднаго — біліся велізарнымі сякерамі, ламалі агароджу.Але па словах арганізатараў, усе бойкі прайшлі без асаблівых эксцэсаў, ніхто моцна не пацярпеў, усе ваякі засталіся жывыя і здаровыя.На тэрыторыі фестываля размесціўся велізарны рыцарскі намётавы лагер — у ім можна было пабачыць, як жылі рыцары сярэднявечча, як яны харчаваліся, дзе спалі, наогул, як ладзіўся іх побыт.Увечары распачалася музычная праграма. У ёй прымалі ўдзел Nervida, Chernovar, Rutvica, "Горынь".Басіст гурта Rokash Лявон Казакоў таксама калісьці быў удзельнікам клуба рыцарскай рэканструкцыі. Са сцэны ён перадаў прывітанне свайму былому клубу "Белы тур", які прымаў удзел у фестывалі, і гурт зайграў наступную песню, пад якую рыцары зладзілі сапраўдны слэм.Пасля Rokash на сцэну выйшлі этна- панкі "Кашлаты вох", а закрывалі музычную праграму прадстаўнікі паган-металу гурт Znich.

увесь свет

еўропа

мінская вобласць

беларусь

2015

Навіны

ru_BY

у беларусі, навіны , стыль жыцця, культура, увесь свет, еўропа, мінская вобласць, стыль жыцця, стыль жыцця і адпачынак, актыўны адпачынак, культура і адпачынак, гісторыя, фестываль, беларусь эпохі сярэднявечча, беларусь