10:16 19 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Культура
Атрымаць кароткую спасылку
5720

Серыя канцэртаў беларускага квартэта стане святочным падарункам для дыяспары на востраве.

МІНСК, 4 сту — Sputnik. Удзельнікі бабруйскага квартэтата "Music Kvatro" прадставяць у італьянскай Сардзініі розныя музычныя кампазіцыі: славянскую народную  музыку, класіку ў сучаснай апрацоўцы і эстрадна-джазавыя кампазіцыі, паведамілі Sputnik арганізатары.

5 студзеня беларускія артысты з Бабруйска выступяць у прэстыжным Jazz Club Birdland у горадзе Сасары, які займае другое месца па колькасці насельніцтва на італьянскім востраве. На 6 студзеня запланаваны выступ у тэатры горада Іглезіас, што з кастрычніка з'яўляецца пабрацімам Бабруйска.

Галоўны выступ пройдзе 7 студзеня ў тэатры "Аудыторыум Камунале" ў горадзе Кальяры. Такім чынам беларускія артысты вырашылі павіншаваць са святамі прадстаўнікоў шматлікай дыяспары постсавецкай прасторы на востраве Сардзінія.

Калядныя канцэрты беларускіх выступоўцаў сталі тут добрай традыцыяй. Так, у мінулым годзе быў арганізаваны выступ з удзелам салісткі Брэсцкай абласной філармоніі Жанны Вярсо.

Канцэрты беларусаў праходзяць пад патранажам Ганаровага консульства Рэспублікі Беларусь у Кальяры, дзякуючы падтрымцы Фонду Сардзініі і пры супрацоўніцтве Гарадскога выканаўчага камітэта Бабруйска.

Тэги:
квартер, музыка, Сардзінія, Бабруйск, Італія, Беларусь

Галоўныя тэмы