22:17 28 лютага 2020
«Радыё Sputnik»
  • USD2.24
  • EUR2.47
  • 100 RUB3.34
Культура
Атрымаць кароткую спасылку
"Радзіва Прудок" Андруся Горвата - новае слова ў беларускай літаратуры (12)
15831

Журналіст, былы дворнік і аўтар нашумелай кнігі "Радзіва Прудок" Андрусь Горват зладзіў аўтограф-сэсію на Міжнароднай кніжнай выставе ў Мінску. Ён падпісаў кнігі і паразмаўляў з чытачамі, сярод якіх быў карэспандэнт Sputnik.

МІНСК, 2 сак — Sputnik. Старт Горвата як пісьменніка называюць фенаменальным, аб чым сведчыць і выданне чарговай тысячы асобнікаў кнігі. Зараз іх, па словах аўтара, больш за пяць тысяч. І сёння "Радзіва Прудок", напісаная паляшуцкаю гаворкаю, разыходзілася таксама хутка.

Андрусь Горват зладзіў аўтограф-сэсію на Міжнароднай кніжнай выставе ў Мінску
© Sputnik Алеся Шершнёва
Андрусь Горват зладзіў аўтограф-сэсію на Міжнароднай кніжнай выставе ў Мінску

"Пра гэту кнігу ведаюць, мабыць, больш за мяне. У мяне ёсць такі фірмовы подпіс "На добры настрой", якім я заўсёды і падпісваю старонку. Гэта тое, што я хачу, каб адчуў чалавек, які атрымаў і разгарнуў кнігу: каб у яго з'явіліся нейкія добрыя эмоцыі і ён адчуў цеплыню", — патлумачыў аўтар.

У ліку тых, хто прыйшоў па аўтограф, былі і прадстаўнікі Прэзідэнцкай бібліятэкі Беларусі. Яны падзякавалі аўтару, пахвалілі кнігу і паабяцалі, што будуць захоўваць яе вельмі старанна.

Зараз Горват працуе над новай кнігай, але расказваць пра яе пакуль што не хоча. Не называе ні тэмы, ні астатніх падрабязнасцяў і абяцае, што ўсё гэта абавязкова "будзе потым".

Кніга Андруся Горвата Радзіва Прудок
© Sputnik Алеся Шершнёва
Так выглядае вокладка нашумелай кнігі

Хутка "Радзіва Прудок" будзе не толькі кнігай, але і спектаклем. Акцёр Раман Падаляка рыхтуе прэм'еру на сцэне Купалаўскага тэатра.

Удзельнічаць у падрыхтоўцы пастаноўкі Андрусь не будзе. Плануе толькі патрапіць на прэм'еру, "каб паглядзець, што атрымалася". Аматары творчасці Горвата ў прадчуванні сцэнічнага прадстаўлення гісторыі, поўнай добрага гумару ды трапных назіранняў мастацкага вока.

Тэмы:
"Радзіва Прудок" Андруся Горвата - новае слова ў беларускай літаратуры (12)

По теме

Відэафакт: купалаўцы знялі кароткаметражку па матывах "Радзіва Прудок"
Мікалай Пінігін: з’яўленне Горвата – гэта цуд
Тэги:
кніга "Радзіва Прудок", XXV Міжнародная кніжная выстаўка-кірмаш, Андрусь Горват, Мінск, Беларусь

Галоўныя тэмы