07:12 21 чэрвеня 2018
«Радыё Sputnik»
  • USD2.01
  • EUR2.32
  • 100 RUB3.15
Нацыянальная бібліятэка

Акварэлі Вячаслава Паўлаўца пакажуць у Нацыянальнай бібліятэцы

© Sputnik / Руслан Кривобок
Культура
Атрымаць кароткую спасылку
2310

Акварэлі Вячаслава Паўлаўца вядуць шляхам шчаслівых сноў і ўспамінаў дзяцінства.

МІНСК, 14 сак – Sputnik. Выстаўка акварэляў "Крокі па вадзе" адкрыецца 15 сакавіка ў галерэі "Панарама" Нацыянальнай бібліятэкі Беларусі, паведамілі Sputnik ва ўстанове.

Вячаслаў Паўлавец – вядомы беларускі мастак-акварэліст. Яго пейзажы нібы напоўненыя святлом і паветрам.  

"Гарманічны свет у акварэлях мастака прадстае перад гледачом такім, якім ён бачыцца ў шчаслівых снах і дзіцячых успамінах", — адзначылі ў бібліятэцы.

Адзін з самых распаўсюджаных матываў творчасці мастака – матыў дарогі. На яго карцінах можна ўбачыць і алею паўзабытага панскага маёнтка, і адзінокі ланцужок слядоў па першаму снегу, і ледзь прыкметную сцяжынку ў жнівеньскім полі.

Вячаслаў Паўлавец скончыў аддзяленне графікі Беларускага дзяржаўнага тэатральна-мастацкага інстытута, працаваў мастацкім рэдактарам у выдавецтвах "Беларуская энцыклапедыя" і "Беларусь", выдавецкім доме "Звязда", зараз працуе ў часопісе "Мастацтва".

Творы мастака захоўваюцца ў зборах Нацыянальнага мастацкага музея Рэспублікі Беларусь, Гісторыка-археалагічнага музея (г. Гродна), Дзяржаўнага музея гісторыі беларускай літаратуры, у прыватных калекцыях Беларусі, Германіі, Італіі, Латвіі, Вялікабрытаніі, Расіі, ЗША.

Выстава будзе працягвацца да 30 красавіка. Уваход на выстаўку па білеце на аглядную пляцоўку.

Тэги:
акварэль, выстава, Нацыянальная бібліятэка Рэспублікі Беларусь, Вячаслаў Паўлавец, Мінск, Беларусь
Правілы карыстанняКаментары

Галоўныя тэмы