МІНСК, 20 сак — Sputnik. Варта спакойна ставіцца да таго факту, што Беларусь на Міжнародным песенным конкурсе "Еўрабачанне" ў бягучым годзе прадставіць украінскі спявак Мікіта Аляксееў, заявіў у аўторак у Мінску падчас сустрэчы з творчай моладдзю прэзідэнт рэспублікі Аляксандр Лукашэнка.
"Я ў гэтым ніякага страху не бачу, асабліва калі гэта рускі чалавек ці ўкраінец", — сказаў кіраўнік дзяржавы.
Лукашэнка таксама адзначыў, што ў Беларусі шмат кажуць пра "Еўрабачанне", і годна прадставіць рэспубліку на гэтым папулярным і прыгожым тэлешоў — вельмі важна.
У лютым бягучага года стала вядома, што ў нацыянальным адборы перамог спявак з Украіны Alekseev, якога выбралі члены журы і гледачы.
Сапраўднае імя ўкраінскага поп-артыста — Мікіта Аляксееў, у бягучым годзе ён быў адзіным замежным выканаўцам у беларускім фінале адбору на міжнародны песенны конкурс. Канкурэнцыю на адборы Alekseev склалі яшчэ дзевяць артыстаў і груп. Пры гэтым украінскі спявак першы, хто паедзе ад Беларусі на "Еўрабачанне" і пры гэтым не мае беларускіх каранёў.
