Упершыню за 20 гадоў: карціну Ван Гога выставяць на аўкцыён у Францыі

© REUTERS / Gonzalo FuentesКарціна "Жанчыны ў дзюнах за рамонтам сетак"
Карціна Жанчыны ў дзюнах за рамонтам сетак - Sputnik Беларусь
Падпісацца
Ацэначны кошт палатна вядомага мастака складае ад трох да пяці мільёнаў еўра.

МІНСК, 30 сак — Sputnik. Праца нідэрландскага мастака-постімпрэсіяніста Вінсэнта Ван Гога будзе выстаўлена ў Францыі ўпершыню за 20 гадоў, паведамляецца на старонцы аўкцыённага дома Artcurial ў Twitter.

Гаворка ідзе пра карціну "Жанчыны ў дзюнах за рамонтам сетак", якая была напісана ў Галандыі і датуецца 1882 годам. Ацэначны кошт палатна складае ад трох да пяці мільёнаў еўра.

Доўгі час карціна вядомага мастака захоўвалася ў Музеі Гаагі (1961-1974), затым яна знаходзілася ў музеі выяўленчых мастацтваў Манрэаля (2007-2010), а апошнія восем гадоў — у Музеі Ван Гога ў Амстэрдаме.

У Францыі працы Ван Гога не выстаўляліся на аўкцыён на працягу 20 гадоў, паведаміла радыёстанцыя France Info.

Таргі адбудуцца ў Парыжы 4 чэрвеня 2018 года.

Сёння ў нідэрландскага мастака дзень нараджэння — Ван Гог нарадзіўся 30 сакавіка 1853 года.

Стужка навiн
0