17:16 18 снежня 2018
«Радыё Sputnik»
  • USD2.13
  • EUR2.41
  • 100 RUB3.18
У парка Dreamland

Fresh Wave Fest і дзень нараджэння заапарка: куды пайсці 18 жніўня ў Мінску

© Sputnik / Марина Серебрякова
Культура
Атрымаць кароткую спасылку
Куды пайсці ў Мінску (44)
16 0 0

Фестываль з басейнам і воднымі горкамі, дзень нараджэння мінскага заапарка і класічны канцэрт каля ратушы - самае цікавае ў гэтую суботу.

У суботу ў Мінску паветра прагрэецца да +25°C, аднак па папярэдніх прагнозах дзень будзе дажджлівым. Нягледзячы на надвор'е, мерапрыемстваў у сталіцы пройдзе шмат — у іх ліку вялікі гарадскі фестываль з басейнам і воднымі горкамі ў Dreamland, дзень нараджэння Мінскага заапарка, бясплатныя заняткі і класічны канцэрт. Шукайце ў традыцыйнай падборцы Sputnik самыя цікавыя падзеі 18 жніўня.

Fresh Wave Festival у парку

У сталічным парку забаў Dreamland у бліжэйшы ўікэнд пройдзе вялікі фестываль электроннай музыкі даўжынёй у 24 гадзіны. Арганізатары абяцаюць, што ўся тэрыторыя парку пераўтварыцца ў музычны горад з кропкамі для танцаў і не толькі.Тут будуць суседнічаць розныя споты: чатыры танцполы, зоны для адпачынку, кальянныя, фудкорт, велізарны хвалевы басейн і горкі (якія будуць даступныя нават ноччу). Кошт наведвання — ад 15 да 25 рублёў.

Дзень нараджэння заапарка

Сталічны заапарк 18 жніўня адзначыць дзень нараджэння. Ужо з дзесяці гадзін раніцы на тэрыторыі стартуе вялікая святочная праграма — пабываць тут можна па звычайным кошце уваходнага білета.

Зубренок Булат в Минском зоопарке
Зубраня Булат ў Мінскім заапарку

Для маленькіх гасцей будуць працаваць гульнявыя зоны — майстар-класы, цацачны гарадок, атракцыёны. Пройдзе канцэрт (выступіць, у прыватнасці, ансамбль "Песняры"), коннае шоу ад вершнікаў-прафесіяналаў. Акрамя таго, упершыню пакажуць, як кормяць малых, якія нарадзіліся ў заапарку мінулай вясной.

Канцэрт класічнай музыкі каля ратушы

Усяго два канцэрты пад адкрытым небам засталося ў рамках праекта "Класіка каля ратушы" — музыкі выступаюць толькі да канца жніўня. Калі вам яшчэ не давялося паслухаць на гарадской сцэне ў самым цэнтры сусветныя класічныя шэдэўры ў выкананні аркестра, наведайце плошчу каля Ратушы 18 жніўня. Па абноўленай праграме, на гэты дзень запланаваны канцэрт Minsk festival orchestra.

Классика у Ратуши: Государственный академический симфонический оркестр Республики Беларусь под управлением главного дирижера Александра Анисимова
© Photo : velcom
Класіка каля Ратушы: Дзяржаўны акадэмічны сімфанічны аркестр Рэспублікі Беларусь пад кіраўніцтвам галоўнага дырыжора Аляксандра Анісімава

А ў сталічным Верхнім горадзе ў рамках праекта "Пешаходка" прама пад адкрытым небам па суботах бясплатна працягваюць выступаць вулічныя музыкі — граюць ўжо з трох гадзін дня.

Свята для дзяцей у рэстаране

У рэстаран "Сябры" ў суботу запрашаюць юных гасцей — для іх тут правядуць тэматычнае свята.

Па словах арганізатараў, наведвальнікаў чакаюць гісторыі падарожнікаў, актыўныя гульні, аквагрым, прыемныя сюрпрызы і нават лівень з цукерак. Уваход вольны.

Бясплатна: дзіцячы балет і фітнес на даху паркінга

У "Дом Масквы" ў суботу запрашаюць малых з 3 гадоў на адкрыты занятак у школе балета: пазнаёмяць непасрэдна з мастацтвам, а таксама з харэографамі; зробяць памятныя падарункі ўсім удзельнікам і прапануюць працягнуць навучанне далей са зніжкай.

Девочка на занятиях по балету
CC0 / Pixabay / sobima
Дзяўчынка на занятках па балету

А на даху паркоўкі ТРЦ Galleria Minsk увесь жнівень праводзяць бясплатныя заняткі фітнесам для ўсіх жадаючых — засталося ўсяго два! Кіруюць працэсам прафесійныя трэнеры сталічнай спартыўнай школы. Колькасць месцаў абмежавана — ініцыятары просяць папярэдне зарэгістравацца. У суботу, 18 жніўня, пройдзе занятак Yoga Daos.

Новае (і старое) кіно

Традыцыйна ў чацвер у пракат выйшла некалькі кінапрэм'ер. У суботу, 18 жніўня, у большасці кінатэатраў Мінска будуць даступныя камедыя "Mamma Mia! 2", фантастычны фільм "Аксель", баявік "Небяспечнае заданне", фільм жахаў "Слендермен", а таксама анімацыйная стужка "Вілі і крутыя тачкі".

У рамках праекта Cinemascope у кінатэатры "Ракета" у гэты дзень можна ўбачыць меладраму Джэрома Робінса і Роберта Уайза "Вестсайдская гісторыя" (1961) і драму Білі Уайлдара "Туз у рукаве" (1951).

У Музеі гісторыі беларускага кіно стартавалі паказы кінахітоў, якія вышэй за ўсё ацанілі тутэйшыя госці за лета: 18 жніўня пройдзе паказ стужкі Ражэ Вадзіма "Небяспечныя сувязі" (1959).

У сталічным планетарыі ўсе выхадныя паказваюць рознае незвычайнае сферычнае кіно для дзяцей, а пасля праводзяць экскурсію па зорным небе. Кошт — ад 3,6 да 4,2 рубля за квіток.

Тэмы:
Куды пайсці ў Мінску (44)

По теме

Куды пайсці ў Мінску
Тэги:
Балет, Канцэрт, кіно, Dreamland, Мінскі заапарк, Мінск

Галоўныя тэмы