МІНСК, 20 вер — Sputnik. Фільм беларускага рэжысёра Дар'і Жук атрымаў Гран-пры як лепшая карціна міжнароднага фестывалю ў Алматы, паведаміла стваральніца стужкі на сваёй старонцы ў Фэйсбуку.
Almaty Film Festival праходзіў з 15 па 19 верасня з мэтай развіцця казахскага кіно і ўмацавання міжнароднага супрацоўніцтва.
Узнагарода з Казахстана — не першая ў скарбонцы беларускага фільма. Стужка ўжо атрымала прызнанне на кінафестывалях у Адэсе і Выбаргу. Прэм'ерны паказ фільма адбыўся ў Карлавых Варах.
Беларуская прэм'ера адбылася напрыканцы жніўня, пасля чаго фільм адразу ж увайшоў у топ-3 па касавых зборах у краіне.
Галоўнай нагодай для абмеркавання стала вылучэнне карціны ад Беларусі на прэмію "Оскар", таму што ў апошні раз такое здаралася 20 галоў таму з фільмам Дзмітрыя Астрахана "З пекла ў пекла".
"Хрусталь" — першы поўнаметражны фільм Дар'і Жук. Дзяўчына атрымала эканамічную адукацыю ў ЗША, але занялася кінематографам не так даўно. Карціна знята ў кааперацыі з Германіяй, Расіяй і ЗША і распавядае пра падзеі, якія адбыліся ў жыцці рэжысёра ў 1996 годзе.
