20:46 22 студзеня 2020
«Радыё Sputnik»
  • USD2.12
  • EUR2.35
  • 100 RUB3.42
Культура
Атрымаць кароткую спасылку
7710

Напярэдадні імя пераможцы абвясціла журы конкурсу Наталлі Арсенневай.

МІНСК, 21 вер — Sputnik. Беларускі паэт і перакладчык Алесь Разанаў атрымаў паэтычную прэмію імя Наталлі Арсенневай як аўтар найлепшай паэтычнай кнігі 2017 года. Імя пераможцы напярэдадні назвала журы конкурсу, паведамляе Беларускі ПЭН-Цэнтр.

Узнагароду Разанаў атрымаў за кнігу "Перавыбранае". Члены журы назвалі яе "сумай мастацкіх адкрыццяў у разнастайных наватарскіх жанрах, якія, пашыраючы інтэлектуальныя далягляды беларускай культуры, змянілі і працягваюць мяняць аблічча сучаснай паэзіі".

Цырымонія ўручэння прэміі прайшла 20 верасня у дзень 115-годдзя Наталлі Арсенневай.  Усяго ў шорт-лісце прэміі ў гэтым годзе было дзевяць кніг, у тым ліку, "Эпідэмія ружаў" Вальжыны Морт і "Сны дарог" Усевалада Сцебуракі.

У складзе журы прэміі працавалі літаратуразнаўца і пісьменніца Вольга Іпатава, паэтка Наста Кудасава, паэтка і перакладчыца Марыя Мартысевіч, паэт і выдавец Дзмітрый Строцаў, паэт і перакладчык Андрэй Хадановіч.

Тэги:
Алесь Разанаў, Беларусь

Галоўныя тэмы