10:44 20 сакавіка 2019
«Радыё Sputnik»
  • USD2.11
  • EUR2.39
  • 100 RUB3.28
Медаль, якая выдаецца нобелеўскаму лаўрэату

Лаўрэатаў Нобелеўскай прэміі па літаратуры назавуць адразу за два гады

CC BY 2.0 / Adam Baker / Nobel Prize Medal in Chemistry
Культура
Атрымаць кароткую спасылку
1010

Нобелеўскі фонд лічыць, што Шведская акадэмія зрабіла дастаткова для аднаўлення даверу публікі ў будучыні.

МІНСК, 5 сак - Sputnik. Шведская акадэмія гэтай восенню назаве лаўрэатаў Нобелеўскай прэміі па літаратуры адразу за два гады - 2018 і 2019, заявілі ў аўторак у Нобелеўскім фондзе.

Нобелеўская прэмія па літаратуры не ўручалася у 2018 годзе з-за скандалу, які выбухнуў у Шведскай акадэміі: гаворка ішла як пра "уцечкі" інфармацыі пра намінантаў і "распілоўванне" сродкаў, так і пра сэксуальныя дамаганні. Лёс самой прэстыжнай літаратурнай узнагароды пасля гэтага апынуўся пад пытаннем.

Як заявілі ў аўторак ў Нобелеўскім фондзе, прэмію ў гэтым годзе зноў прысудзяць: увосень абвесцяць лаўрэатаў 2018 і 2019 года.

"Савет дырэктараў Нобелеўскага фонду лічыць, што крокі, якія Шведская акадэмія распачала і збіраецца распачаць, створаць добрыя магчымасці для аднаўлення даверу да Акадэміі як установы, якая прысуджаецца ўзнагароды", - адзначылі ў фондзе.

У правілах і структуры Акадэміі адбыўся шэраг змяненняў, адзначылі ў Нобелеўскім фондзе. У першую чаргу яны датычацца працэдуры сыходу членаў Акадэміі ў адстаўку, удакладнення Статута арганізацыі і патрабаванняў да акадэмікаў.

Таксама ў бліжэйшыя гады да выбару лаўрэата будуць прыцягнутыя і пяць незалежных знешніх экспертаў, чые імёны пакуль не называюцца. Абноўлены і склад самога камітэта - з Акадэміі выключылі ўсіх, звязаных са скандалам 2018 года.

У 2017 годзе Нобелеўскую прэмію па літаратуры атрымаў брытанскі пісьменнік японскага паходжання Кадзуа Ісігура за свае творы "вялікай эмацыянальнай сілы".

Тэги:
Нобелеўская прэмія

Галоўныя тэмы