02:52 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
На акцёрах серыяла Чарнобыль аксесуары і адзенне з Беларусі

Сукенкі і калькулятары: як Беларусь паўдзельнічала ў здымках "Чарнобыля"

© Photo : HBO (2019)
Культура
Атрымаць кароткую спасылку
29 0 0

Па словах прадстаўнікоў айчыннай кінастудыі, для здымак каманда нашумелага міні-серыяла "Чарнобыль" павезла з рэспублікі каля 2000 адзінак рэквізіту.

МІНСК, 4 чэр - Sputnik. Ці шмат беларускага рэквізіту можна знайсці ў кадры папулярнага міні-серыяла "Чарнобыль" і як часта наша кінастудыя становіцца часткай заходняга кіно, распавялі на "Беларусьфільме".

Пяты эпізод міні-серыяла "Чарнобыль", які па рэйтынгу здолеў абыйсці нават легендарную "Гульню тронаў", прыхільнікі змогуць убачыць 4 чэрвеня. Сёння рэйтынг серыяла, які распавядае пра катастрофу на ЧАЭС і яе наступствы, па ацэнцы карыстальнікаў сайта Internet Movie Database (IMDb) складае 9,7 бала з 10.

У дзень выхаду заключнай серыі Sputnik распытаў аб супрацоўніцтве прадстаўнікоў кінастудыі "Беларусьфільм", якая апынулася датычная да здымак.

В процессе просмотра сериала, сотрудники киностудии без труда узнавали свои вещи
© Photo : HBO (2019)
У працэсе прагляду серыяла, супрацоўнікі кінастудыі лёгка пазналі "свае" рэчы

"Чарнобыль" прынёс "Беларусьфільму" дзясяткі тысяч

Па словах генеральнага дырэктара кінастудыі Уладзіміра Карачэўскага, медыя-гігант HBO, які выпусціў нашумелы міні-серыял "Чарнобыль", працаваў з "Беларусьфільмам" праз пасярэднікаў з Прыбалтыкі.

"У нас наладжана праца з тымі спецыялістамі: калі бяруць касцюмы для здымак, да прыкладу, англійскіх фільмаў. І партнёры каманды, занятай здымкамі "Чарнобыля", звярнуліся на "Беларусьфільм": узялі вялікую колькасць не толькі касцюмаў, але і рэквізіту. Так мы і паўдзельнічалі ў здымках серыяла", - растлумачыў ён.

Гендиректор киностудии Беларусьфильм Владимир Карачевский
© Sputnik / Виктор Толочко
Па словах гендырэктара "Беларусьфільма" Уладзіміра Карачэўскага, заходнія партнёры далёка не ўпершыню выкарыстоўваюць базу нашай кінастудыі

На кінастудыі распавядалі, што для працы спецыялістам нават выдзелілі асобны кабінет: трэба было выбраць рэчы прыдатныя, у прыватнасці, для рознага часу года. Аб'ём касцюмаў і рэквізіту, неабходны для здымак нашумелага серыяла, прынёс "Беларусьфільму" дзясяткі тысяч еўра.

"Сумарна каля дзвюх тысяч адзінак ўзялі. Не толькі аксэсуары і адзенне, - акуляры і партфелі, касцюмы і сукенкі, школьную і міліцэйскую форму, халаты, - але і рэквізіт: мэбля і посуд, калькулятары і старадаўнія гадзіннікі. База ў нас найбольш захавалася на тэрыторыі былога Савецкага Саюза, гэтак жа вялікія ёсць толькі на "Масфільме" і "Ленфільме", - распавёў Карачэўскі.

Создатели сериала арендовали на Беларусьфильме форменную одежду и реквизит
© Photo : HBO (2019)
Стваральнікі серыяла арандавалі на "Беларусьфільме" форменную вопратку і рэквізіт

Здымкі прайшлі мінулай восенню. Пазней, ужо ў працэсе прагляду серыяла, супрацоўнікі кінастудыі лёгка пазналі "свае" рэчы: па іх словах, у кадры знаёмага рэквізіту часам магло быць нават больш, чым іншага.

"Беларусьфільм" дапамог "Спісу Шындлера"?

Паводле слоў гендырэктара айчыннай кінастудыі, заходнія партнёры далёка не ўпершыню выкарыстоўваюць базу "Беларусьфільма". Звяртаюцца часам і проста па парады.

"З нашымі спецыялістамі праводзяцца кансультацыі. Так, наколькі мне вядома, досвед працы нашых касцюмераў выкарыстоўвалі, калі здымалі" Спіс Шындлера": адгледжвалі відэа - які рэквізіт выкарыстоўваюць, як апранаюць", - падзяліўся ён.

Кадр из сериала Чернобыль
© Photo : HBO (2019)
Стеллан Скарсгард размаўляе па "беларусьфільмаўскім" тэлефоне

Па словах Уладзіміра Карачэўскага, "Беларусьфільм" ахвотна адгукаецца на падобныя прапановы: такога роду кінапаслугі з задавальненнем аказваюць партнёрам як з Заходняй, так і з Усходняй Еўропы.

"Важна, што касцюмы і рэквізіт, якія ў нас бяруць, не з'яўляюцца рэплікамі. Яны не толькі што адшытыя, а арыгінальныя, сапраўды аўтэнтычныя: у нашым распараджэнні ёсць рэчы з гісторыяй у сотню гадоў", - растлумачыў суразмоўца агенцтва.

Прасоўваць Беларусь праз кінагаліну

"Прыцягненне базы "Беларусьфільма" - гэта ў сваім родзе папулярызацыя нашай кінастудыі. Гэта значыць, мы сёння гаворым не толькі аб кінавытворчасці, але і аб прасоўванні Беларусі праз кінагаліну", - лічыць Карачэўскі.

Вентиляторы, настольные лампы, телевизоры - бытовые мелочи, по которым становится узнаваемой эпоха
© Photo : HBO (2019)
Вентылятары, настольныя лямпы, тэлевізары - бытавыя дробязі, па якіх можна пазнаць эпоху

На яго думку, на беларускай кінастудыі неабходна стварыць прывабныя ўмовы для сусветных вытворцаў кіно.

"Такія, каб нашы магчымасці выкарыстоўвалі і бачылі, што ў нас шмат цікавага. Мы працуем над тым, каб Беларусь была прывабнай краінай для партнёраў не толькі з блізкага замежжа", - растлумачыў ён.

Тэги:
Кіно, Чарнобыль, Беларусьфільм

Галоўныя тэмы