Працу Бэнксі пакажуць у цэнтры Мінска

© Photo : предоставлено организаторамиПраца Бэнксі
Праца Бэнксі - Sputnik Беларусь
Падпісацца
Акцыя "Бэнксі ў акне" стартуе ў Мінску ў пятніцу ў дзве гадзіны дня - карціну самага таямнічага вулічнага мастака пакажуць у акне ў цэнтры Мінска.

МІНСК, 17 вер - Sputnik. Беларусы змогуць убачыць працу таямнічага брытанскага мастака стрыт-арта Бэнксі ў цэнтры Мінска ў акне выставачнай залы LIBRA.

Працу папулярнага мастака Бэнксі, прысвечаную Brexit, знішчылі - Sputnik Беларусь
Працу папулярнага мастака Бэнксі, прысвечаную Brexit, знішчылі

З пятніцы 20 верасня па нядзелю 22 верасня праца Бэнксі будзе выстаўлена на ўсеагульны агляд. У Мінску раней ніводнай працы гэтага мастака не выстаўлялася.

"Для рассейвання ўсялякіх сумневаў, паведамляем, што сапраўднасць работ Бэнксі пацвярджаецца яго подпісам і спецыяльным сертыфікатам", - распавялі арганізатары выставы "Не толькі Banksy. Стрыт-арт з прыватных калекцый".

Куратар праекта - мастак з Санкт-Пецярбурга Арцём Суслаў.

Сапраўднае імя вулічнага мастака да гэтага часу не вядома, хоць раней адзін з брытанскіх тэлеканалаў паведаміў, што выявіў архіўнае інтэрв'ю, знятае ў 2003 годзе, з маладым чалавекам, мяркуецца, што ён і ёсць загадкавы Бэнксі.

Акрамя стварэння графіці мастак перыядычна арганізуе рознага роду правакацыі, якія закліканы паказаць заганнасць сучаснага арт-асяроддзя. Асаблівы рэзананс атрымала гісторыя з карцінай "Дзяўчынка з паветраным шарам", якая самазнішчылася адразу пасля продажу на аўкцыёне - яе рэшткі пазней былі абвешчаныя шэдэўрам.

Стужка навiн
0