На мастака, які распрануўся ў Мінску, паскардзіліся ў міліцыю

© SputnikНацыянальны цэнтр сучасных мастацтваў
Нацыянальны цэнтр сучасных мастацтваў - Sputnik Беларусь
Падпісацца
Як заяўляюць у Нацыянальным цэнтры сучасных мастацтваў, дзеянні Кузьміча нанеслі шкоду іх дзелавой рэпутацыі.

МІНСК, 9 кас - Sputnik. Праваахоўныя органы праводзяць прававую ацэнку дзеянняў мастака Аляксея Кузьміча, які распрануўся на адкрыцці выставы ў знак пратэсту супраць цэнзуры, паведамілі ў сераду ў НЦСМ.

Мастак Аляксей Кузьміч - Sputnik Беларусь
Мінскі мастак распрануўся ў знак пратэсту супраць цэнзуры

Беларускі мастак Аляксей Кузьміч распрануўся на адкрыцці выставы ў Нацыянальным цэнтры сучасных мастацтваў у знак пратэсту супраць цэнзуры. Прыкрывала галізну мастака толькі шыльда з надпісам "Міністэрства культуры".

Як заявілі ў самым НЦСМ, Кузьміч дапусціў дзеянні, "якія абражаюць Міністэрства культуры Рэспублікі Беларусь, а таксама якія пацягнулі значны ўрон дзелавой рэпутацыі цэнтра".

"Нацыянальны цэнтр заяўляе аб поўнай недатычнасці да дадзенай акцыі і рэзка асуджае любыя дзеянні і акцыі, якія праяўляюць цынічную непавагу да грамадства і яго дзяржаўных інстытутаў", - заявілі ў цэнтры.

Зараз, як паведамілі ў НЦСМ, прававую ацэнку дзеянням мастака даюць праваахоўныя органы.

Сам мастак Кузьміч пакуль ніяк не пракаментаваў новы віток у разгарэўшымся вакол яго перфоманса скандале. Няма афіцыйных каментароў і Міністэрства культуры.

Стужка навiн
0