МІНСК, 26 кас - Sputnik. Беларускі кампазітар-песеннік Алег Моўчан памёр на 55-м годзе жыцця, паведаміў Sputnik сын Уладзіміра Мулявіна Валерый.
Паведамляецца, што Алег Моўчан памёр пасля працяглай хваробы. Развітанне з кампазітарам пройдзе ў вялікай зале Беларускай дзяржаўнай філармоніі. Дата грамадзянскай паніхіды ўдакладняецца. Яна пройдзе 30 альбо 31 кастрычніка.
Кампазітар Алег Моўчан вядомы многім па калектыву "Песняры". Адной з галоўных яго песень стала "Малітва", якую выканаў сам Уладзімір Мулявін.
Таксама Моўчан напісаў для калектыву такія песенныя цыклы як "Вянок", "Ave Solе, Або Словы Скарыны", і папулярныя песні "Стася", "Маргарыта", "Мілая жанчына", "Падмані мяне", "Кума", "Юнацтва" і іншыя.
Пасля сыходу з "Песняроў" Моўчан напісаў песні "Дзве Таполі", "Песня мая", "Родныя песні", "Карабель маей краіны", якія ўвайшлі ў рэпертуар Ядвігі Паплаўскай і Аляксандра Ціхановіча, вакальнай групы "Чысты голас" і іншых выканаўцаў.
Кампазітар - уладальнік медаля Францыска Скарыны.
