МІНСК, 7 жні — Sputnik. Беларускія вайскоўцы сталі пераможцамі конкурсу "Снайперскі рубеж", які завяршыўся на палігоне ў Брэсцкай вобласці, паведамілі Sputnik у прэс-службе Мінабароны Беларусі.
Каманда гаспадароў стала пераможцай па выніках усіх этапаў. Другое месца — у снайпераў з Казахстана, трэцюю пазіцыю падзялілі каманды з Расіі і КНР.
Конкурс "Снайперскі рубеж" Беларусь прымала ў рамках міжнародных вайсковых гульняў АрМГ-2018. Беларускія вайскоўцы ў рамках гульняў ужо занялі некалькі прызавых месцаў, у прыватнасці, другія месцы ў "Інжынернай формуле", "Бяспечным асяроддзі" і "Ваяры садружнасці". Бронза ў нашых вайскоўцаў — у конкурсе кінолагаў "Верны сябар".
Вайсковыя гульні завершацца 11 жніўня, да гэтага моманту пройдзе яшчэ шэраг конкурсаў з удзелам беларусаў, сярод іх — "Танкавы біятлон", у якім нашы танкісты традыцыйна займаюць высокія месцы.
