МІНСК, 7 жні — Sputnik. Беларускі разлік беспілотнага лятальнага апарата заняў трэцяе месца ў практыкаванні "Сакалінае паляванне" ў рамках міжнародных вайсковых гульняў АрМГ-2018.
Такі этап праводзіўся ўпершыню. Удзельнікі павінны былі знайсці зададзены аб'ект, навесці на яго артылерыю і вярнуць лятальны апарат назад, і ўсё гэта ў начных умовах. Лепш за ўсё з заданнем справілася каманда з Расіі. На другім месцы — "наводчыкі" з Казахстана.
Аператараў БПЛА чакае яшчэ адзін этап, 9 жніўня, пасля яго будуць падведзены вынікі конкурсу.
Усяго на палігоне ў Казахстане, які прымае гэты конкурс, бяруць удзел чатыры каманды — Беларусі, Ірана, Казахстана і Расіі.
Армейскія міжнародны гульні будуць доўжыцца да 11 жніўня, у іх удзельнічаюць вайскоўцы з 32 краін. Беларусь прымае адзін з конкурсаў АрМГ-2018 — "Снайперскі рубеж".
