МІНСК, 29 сту – Sputnik. Каля 300 чалавек прызавуць з запасу ў армію ў рамках комплекснай праверкі баявой і мабілізацыйнай гатоўнасці Узброеных сіл Беларусі, паведаміла прэс-служба Міністэрства абароны рэспублікі.
У краіне працягваецца маштабны экзамен для ваенных, за які будзе дадзена ацэнка па выкананні пастаўленых задач. Так, танкавыя падраздзяленні 11-й і 19-й асобных механізаваных брыгад на палігонах Гродзенскай і Мінскай абласцей правялі марш і здзяйсняюць стральбу.
Яшчэ адна мэта - зняць з захоўвання і праверыць стан ўзбраенняў і ваеннай тэхнікі. Вайскоўцы запасу пройдуць дадатковае навучанне перад манеўрамі.
Для адпрацоўкі задач выкарыстоўваюцца палігоны, а таксама лясы і населеныя пункты. Вайскоўцам трэба будзе прадэманстраваць здольнасць дзейнічаць як на перасечаных участках мясцовасці, так і ў гарадскіх умовах.
Аб правядзенні маштабнай праверкі стала вядома у панядзелак 25 студзеня, на наступны дзень некалькі брыгад былі прыведзены ў вышэйшую ступень боегатоўнасці.
Чытайце таксама:
- Беларускую армію правераць на боегатоўнасць па загадзе міністра
- Міністр абароны: Захад працягвае шукаць рашэнне па "беларускім выступе"
- Лукашэнка распавёў пра вучэнні па адпрацоўцы новых метадаў вядзення вайны
