19:39 12 красавіка 2021
«Радыё Sputnik»
  • USD2.64
  • EUR3.14
  • 100 RUB3.43
Бяспека
Атрымаць кароткую спасылку
11 0 0

У віншаванні кіраўнік дзяржавы асабліва адзначыў працу беларускай міліцыі ў адзін з самых складаных перыядаў у яе біяграфіі.

МІНСК, 4 сак – Sputnik. Прэзідэнт Беларусі Аляксандр Лукашэнка павіншаваў супрацоўнікаў і ветэранаў органаў унутраных спраў з Днём міліцыі, паведамілі ў прэс-службе кіраўніка дзяржавы.

Беларуская міліцыя 4 сакавіка адзначае прафесійнае свята.

"Кожны з вас штодня знаходзіцца на пярэднім краі барацьбы са злачыннасцю, справай даказваючы адданасць краіне і народу, захоўваючы пры гэтым прыхільнасць слаўным традыцыям, якія былі закладзены ветэранамі службы", - гаворыцца ў віншаванні кіраўніка дзяржавы.

Паводле яго слоў, падзеі мінулага года паказалі значнасць органаў правапарадку ў забеспячэнні стабільнасці грамадства і бяспекі грамадзян. Лукашэнка назваў той перыяд "адзін з самых складаных перыядаў у біяграфіі беларускай міліцыі".

Лукашэнка падкрэсліў, што праваахоўнікі годна справіліся з замахам на канстытуцыйны лад дзяржавы. "Да канца выканалі свой абавязак, праявіўшы мужнасць, стойкасць і высокі прафесіяналізм. Паказалі сябе сапраўднымі патрыётамі", - асабліва адзначыў Лукашэнка.

Прэзідэнт упэўнены, што беларуская міліцыя і надалей будзе працаваць, надзейна абараняючы прававыя асновы дзяржаўнага ладу і нейтралізуючы выклікі і пагрозы для эканомікі і мірнага жыцця беларусаў.

"Дзякую за сумленную, бездакорную службу. Жадаю вам моцнага здароўя, шчасця і дабрабыту", - сказаў Лукашэнка.

Чытайце таксама:

Тэги:
Праца, Кіраўнік дзяржавы, свята, міліцыя, Аляксандр Лукашэнка

Галоўныя тэмы